ᱵᱚᱨᱰᱟᱨ ᱜᱵᱷᱟᱥᱠᱟᱨ ᱴᱨᱚᱯᱷᱤ ᱨᱮᱱᱟᱜ ᱢᱩᱪᱟᱹᱫ ᱢᱮᱪ ᱵᱟᱭ ᱠᱷᱮᱹᱞ ᱫᱟᱲᱮᱭᱟᱠᱟᱫᱟ ᱡᱚᱥᱯᱨᱤᱛ ᱵᱩᱢᱨᱟ ᱾ ᱵᱟᱡᱟᱣ ᱠᱷᱟᱹᱛᱤᱨ ᱥᱤᱰᱱᱤ ᱴᱮᱹᱥᱴ ᱛᱟᱞᱟ ᱨᱮᱜᱮ ᱠᱚ ᱨᱟᱠᱟᱵ ᱞᱮᱫᱮᱭᱟ ᱾ ᱦᱟᱥᱯᱟᱛᱟᱞ ᱠᱷᱚᱱ ᱥᱠᱮᱱ ᱠᱟᱛᱮᱭ ᱨᱩᱣᱟᱹᱲᱮᱱ ᱨᱮᱦᱚᱸ ᱜᱚᱰᱟ ᱨᱮᱫᱚ ᱵᱟᱭ ᱟᱲᱜᱳ ᱫᱟᱲᱮᱭᱟᱠᱟᱫᱟ ᱾ ᱵᱚᱨᱰᱟᱨ ᱜᱟᱵᱷᱟᱥᱠᱟᱨ ᱴᱨᱚᱯᱷᱤ ᱨᱮ ᱵᱩᱢᱨᱟ ᱡᱟᱦᱟᱸ ᱞᱳᱰ ᱦᱟᱛᱟᱣ ᱠᱟᱛᱮᱭ ᱵᱚᱞ ᱟᱠᱟᱫᱟ, ᱛᱟᱛᱮ ᱢᱚᱱᱮ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱱᱚᱝᱠᱟᱜᱮ ᱡᱟᱦᱟᱱᱟᱜ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱤᱛ ᱵᱩᱢᱨᱟᱣᱟᱜ ᱚᱱᱟ ᱵᱟᱡᱟᱣ ᱠᱷᱟᱹᱛᱤᱨ ᱮᱴᱠᱮᱴᱚᱬᱮ ᱨᱮᱠᱚ ᱯᱟᱲᱟᱣ ᱫᱟᱲᱮᱭᱟᱜᱼᱟ ᱴᱤᱢ ᱤᱱᱰᱤᱭᱟ ᱾ ᱤᱝᱞᱮᱱᱰ ᱵᱤᱨᱩᱫᱷ ᱯᱳᱸᱰ ᱵᱚᱞ ᱨᱮᱱᱟᱜ ᱥᱤᱨᱤᱡᱽ ᱠᱷᱮᱹᱞ ᱨᱮᱱᱟᱜ ᱥᱚᱢᱵᱷᱟᱵᱚᱱᱟ ᱠᱚᱢ ᱜᱮᱛᱟᱭᱟ ᱾
ᱵᱚᱨᱰᱟᱨ ᱜᱵᱷᱟᱥᱠᱟᱨ ᱴᱨᱚᱯᱷᱤ ᱨᱮ ᱵᱩᱢᱨᱟ ᱑᱕᱐ ᱠᱷᱚᱱ ᱦᱚᱸ ᱡᱟᱹᱥᱛᱤ ᱚᱵᱷᱟᱨᱮ ᱵᱚᱞ ᱟᱠᱟᱫᱟ ᱾ ᱦᱟᱛᱟᱣ ᱟᱠᱟᱫᱟᱭ ᱓᱒ ᱜᱚᱴᱟᱝ ᱩᱭᱠᱮᱹᱴ ᱾ ᱓᱙ ᱚᱵᱷᱟᱨ ᱦᱟᱛᱟᱣᱟᱠᱟᱫᱟᱭ ᱢᱮᱹᱰᱮᱹᱱ ᱾ ᱱᱟᱣᱟ ᱵᱚᱞ ᱥᱮ ᱢᱟᱨᱮ ᱵᱚᱞ ᱵᱟᱱᱟᱨ ᱨᱮᱜᱮᱭ ᱛᱟᱦᱮᱸ ᱠᱟᱱᱟ ᱡᱚᱛᱚᱠᱷᱚᱱ ᱞᱟᱦᱟ ᱾ ᱱᱤᱛ ᱩᱱᱤ ᱵᱟᱡᱟᱣ ᱛᱟᱭᱚᱢ ᱴᱤᱢᱟᱜ ᱴᱟᱨᱜᱮᱹᱴ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱢᱟᱲᱟᱝ ᱩᱱᱤ ᱵᱮᱹᱥᱮ ᱾
ᱢᱤᱫ ᱰᱚᱜᱚᱨ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ, ᱵᱩᱢᱨᱟ ᱫᱮᱭᱟ ᱨᱮ ᱡᱟᱦᱟᱸᱭ ᱵᱟᱡᱟᱣ ᱟᱠᱟᱱᱟ ᱚᱱᱟ ᱱᱤᱛ ᱦᱚᱸ ᱵᱟᱝ ᱵᱮᱹᱥ ᱟᱠᱟᱱᱟ ᱾ ᱵᱩᱢᱨᱟ ᱞᱟᱹᱭ ᱟᱠᱟᱫᱟᱭ, ᱩᱱᱤ ᱦᱚᱲᱢᱚ ᱵᱟᱵᱚᱫᱽ ᱡᱟᱦᱟᱱ ᱡᱷᱩᱸᱠᱤ ᱵᱟᱭ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱵᱤᱹᱥᱤᱹᱥᱤᱹᱟᱭ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱞᱟᱦᱟ ᱵᱩᱢᱨᱟ ᱯᱩᱨᱟᱹᱠᱚ ᱡᱤᱨᱟᱹᱣ ᱦᱟᱛᱟᱲᱮᱭᱟ ᱾
ᱵᱩᱢᱨᱟᱣᱟᱜ ᱚᱱᱟ ᱵᱟᱡᱟᱣ ᱛᱤᱱᱟᱹᱜ ᱥᱤᱨᱤᱭᱟᱥ ᱚᱱᱟᱫᱚ ᱱᱤᱛ ᱦᱚᱸ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ ᱾ ᱩᱱᱤᱭᱟᱜ ᱵᱟᱡᱟᱣ ᱡᱩᱫᱤ ᱜᱨᱮᱹᱰ ᱑ ᱦᱩᱭᱩᱜᱼᱟ ᱮᱱᱛᱮᱠᱷᱟᱱ ᱠᱚᱢ ᱨᱮᱱᱟᱜ ᱒ᱼ᱓ ᱦᱟᱯᱛᱟ ᱞᱟᱜᱟᱣᱮᱭᱟ ᱵᱮᱹᱥᱚᱜ ᱛᱮ ᱾ ᱩᱱᱤᱭᱟᱜ ᱵᱟᱡᱟᱣ ᱡᱩᱫᱤ ᱜᱨᱮᱹᱰ ᱒ ᱦᱩᱭᱞᱮᱱᱠᱷᱟᱱ ᱖ ᱦᱟᱯᱛᱟ ᱞᱟᱜᱟᱣᱮᱭᱟ ᱵᱮᱹᱥᱚᱜ ᱛᱮ ᱾ ᱜᱨᱮᱹᱰ ᱓ ᱦᱩᱭᱞᱮᱱᱠᱷᱟᱱ ᱠᱚᱢ ᱨᱮᱱᱟᱜ ᱓ ᱪᱟᱸᱫᱳ ᱞᱟᱜᱟᱣᱮᱭᱟ ᱵᱮᱹᱥᱚᱜ ᱛᱮ ᱾
ᱵᱟᱰᱟᱭ ᱟᱠᱟᱱᱟ, ᱡᱮᱦᱮᱛᱩ ᱥᱟᱢᱟᱝ ᱨᱮ ᱵᱟᱹᱱᱩᱜᱼᱟ ᱴᱤᱼᱴᱳᱭᱮᱱᱴᱤ ᱵᱤᱥᱥᱚᱠᱟᱯ ᱚᱱᱟᱛᱮ ᱴᱤᱼᱴᱳᱭᱮᱱᱴᱤ ᱫᱤᱯᱟᱠᱠᱷᱤᱠ ᱥᱤᱨᱤᱡᱽ ᱵᱟᱭ ᱠᱷᱮᱹᱞ ᱞᱟᱹᱜᱤᱫᱚᱜ ᱠᱟᱱᱟ ᱾ ᱡᱮᱦᱮᱛᱩ ᱥᱟᱢᱟᱝ ᱨᱮ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱢᱮᱱᱟᱜᱼᱟ ᱚᱱᱟᱛᱮ ᱫᱤᱯᱟᱠᱠᱷᱤᱠ ᱥᱤᱨᱤᱡᱽ ᱨᱮ ᱱᱟᱣᱟ ᱡᱩᱣᱟᱹᱱ ᱠᱚ ᱥᱩᱡᱳᱜᱽ ᱮᱢ ᱜᱟᱱᱚᱜᱼᱟ ᱾ ᱒᱒ ᱡᱟᱱᱩᱣᱟᱨᱤ ᱠᱷᱚᱱ ᱤᱝᱞᱮᱱᱰ ᱵᱤᱨᱩᱫᱷ ᱥᱤᱨᱤᱡᱽ ᱠᱚ ᱠᱷᱮᱹᱞᱟ ᱵᱷᱟᱨᱚᱛ ᱾ ᱢᱚᱬᱮ ᱜᱚᱴᱟᱝ ᱴᱤᱼᱴᱳᱭᱮᱱᱴᱤ ᱟᱨ ᱯᱮᱭᱟ ᱳᱹᱰᱤᱹᱟᱭ ᱠᱷᱮᱹᱞ ᱦᱩᱭᱩᱜᱼᱟ ᱾
