TRIBE TV SANTALI DIGITAL : ᱟᱨ ᱡᱤ ᱠᱚᱨ ᱦᱟᱥᱯᱟᱛᱟᱞ ᱨᱮᱱ ᱛᱤᱨᱞᱟᱹ ᱰᱚᱠᱴᱚᱨ ᱫᱷᱚᱨᱥᱚᱱ ᱟᱨ ᱠᱷᱩᱱ ᱢᱟᱢᱞᱟ ᱨᱮ ᱫᱩᱥᱤ ᱯᱨᱚᱢᱟᱱ ᱮᱱᱟ ᱥᱤᱵᱷᱤᱠ ᱵᱷᱚᱞᱮᱱᱰᱤᱭᱟᱨ ᱥᱚᱱᱡᱚᱭ ᱨᱟᱭ(SANJAY ROY CONVICTED)᱾ ᱥᱤᱭᱟᱞᱫᱟ ᱟᱫᱟᱞᱚᱛ ᱨᱮᱱ ᱵᱤᱪᱟᱨᱚᱠ ᱚᱱᱤᱨᱵᱟᱱ ᱫᱟᱥ ᱥᱚᱱᱡᱚᱭ ᱨᱟᱭ ᱜᱮ ᱫᱩᱥᱤ ᱠᱟᱱᱟᱭ ᱢᱮᱱᱛᱮᱭ ᱪᱟᱹᱴᱤᱭᱟᱹᱨ ᱠᱤᱫᱤᱭᱟ᱾ ᱟᱨ ᱥᱤᱸᱜᱮ.ᱹ ᱢᱟᱦᱟ ᱦᱤᱞᱟᱹᱜ ᱫᱩᱥᱤ ᱥᱚᱱᱡᱚᱭᱼᱟᱜ ᱥᱟᱡᱟ ᱜᱷᱚᱥᱚᱱᱟ ᱦᱩᱭᱩᱜ ᱼᱟ ᱢᱮᱱᱛᱮᱦᱚᱭ ᱞᱟᱹ ᱠᱮᱫᱟ ᱥᱤᱭᱟᱞᱫᱟ ᱟᱫᱟᱞᱚᱛ᱾ ᱥᱤᱸᱜᱮ. ᱢᱟᱦᱟ ᱨᱮ ᱯᱷᱟᱥᱤ ᱵᱟᱝ ᱠᱷᱟᱡ ᱡᱟᱵᱚᱛ ᱡᱤᱵᱚᱱ ᱥᱟᱡᱟ ᱦᱩᱭ ᱫᱟᱲᱮᱼᱟ ᱢᱮᱱᱛᱮ ᱦᱚᱭ ᱞᱟᱹᱭ ᱟᱠᱟᱫᱟ ᱵᱤᱪᱟᱨᱚᱠ ᱚᱱᱤᱨᱵᱟᱱ ᱫᱟᱥ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱟᱨ ᱡᱤ ᱠᱚᱨ ᱢᱟᱢᱞᱟ ᱨᱮ ᱑᱖᱒ ᱫᱤᱱ ᱯᱚᱨ ᱩᱪᱟᱹᱱ ᱮᱱᱟ ᱨᱟᱭ᱾ ᱥᱚᱱᱡᱚᱭ ᱨᱟᱭ ᱫᱚ ᱯᱮ ᱯᱮᱭᱟ ᱫᱷᱟᱨᱟ ᱞᱮᱠᱟᱛᱮ ᱫᱩᱥᱤ ᱜᱷᱚᱥᱚᱱᱟ ᱦᱩᱭ ᱟᱠᱟᱱᱟ᱾
᱑, BNS 64 ᱫᱷᱟᱨᱟ (RAPE) ᱫᱩᱥᱤ ᱯᱨᱚᱢᱟᱱ ᱮᱱᱟ ᱥᱤᱵᱷᱤᱠ ᱵᱷᱚᱞᱮᱱᱰᱤᱭᱟᱨ ᱥᱚᱱᱡᱚᱭ ᱨᱟᱭ᱾
᱒, BNS 66 ᱫᱷᱟᱨᱟ (ᱫᱷᱚᱨᱥᱚᱱ ᱚᱠᱛᱚ ᱟᱜᱷᱟᱛ)
᱓, BNS 103(1)(MURDER) ᱫᱩᱥᱤ ᱯᱨᱚᱢᱟᱱ ᱥᱚᱱᱡᱚᱭ ᱨᱟᱭ
ᱛᱚᱵᱮ ᱚᱱᱟ ᱢᱟᱢᱞᱟ ᱨᱮ ᱞᱟᱦᱟ ᱨᱮᱜᱤ ᱥᱚᱱᱡᱚᱭ ᱟᱜ ᱯᱷᱟᱥᱤ ᱠᱚ ᱫᱟᱵᱤ ᱞᱮᱫᱟ CBI | ᱛᱚᱵᱮ ᱵᱤᱪᱟᱨᱚᱠ ᱪᱮᱫ ᱥᱟᱡᱟᱭ ᱮᱢᱟᱭᱼᱟ ᱥᱚᱱᱡᱚᱱ ᱚᱱᱟ ᱫᱚ ᱥᱤᱸᱜᱮ. ᱢᱟᱦᱟ ᱦᱤᱞᱟᱹᱜ ᱜᱮ ᱵᱩᱡ ᱧᱟᱢᱚᱠᱼᱟ᱾ ᱙ ᱟᱜᱚᱥᱴ ᱱᱤᱱᱫᱟᱹ ᱵᱮᱲᱟ ᱨᱮᱭᱟᱜ ᱥᱤ ᱥᱤ ᱴᱤᱵᱷᱤ ᱯᱷᱩᱴᱮᱡ ᱨᱮ ᱥᱮᱢᱤᱱᱟᱨ ᱦᱚᱞ ᱨᱮ ᱵᱚᱞᱚᱜ ᱟᱨ ᱩᱰᱩᱠ ᱨᱮᱭᱟᱜ ᱪᱤᱛᱟᱹᱨ ᱧᱮᱱ ᱟᱠᱟᱱ ᱛᱟᱭᱟ ᱥᱚᱱᱡᱚᱭ ᱟᱜ᱾ ᱥᱟᱣᱛᱮ ᱢᱚᱵᱟᱭᱮᱞ ᱴᱟᱣᱟᱨ ᱨᱮᱭᱟᱜ ᱞᱚᱠᱮᱥᱚᱱ ᱦᱚᱭ ᱞᱟᱹᱭ ᱮᱫᱟ ᱵᱟᱝᱢᱟ ᱥᱚᱱᱡᱚᱭ ᱦᱟᱥᱯᱟᱛᱟᱞ ᱨᱮᱜᱤ ᱛᱟᱦᱮᱸ ᱠᱟᱱᱟ᱾
ᱥᱤᱭᱟᱞᱫᱟ ᱟᱫᱟᱞᱚᱛ ᱨᱮ ᱟᱨ ᱡᱤ ᱠᱚᱨ ᱢᱟᱢᱞᱟ ᱨᱮᱭᱟᱜ ᱨᱟᱭ ᱜᱷᱚᱥᱚᱱᱟ ᱚᱠᱛᱚ ᱟᱡᱫᱚ ᱱᱤᱨᱫᱚᱥ ᱠᱟᱱᱟᱭ ᱢᱮᱱᱛᱮ ᱫᱟᱵᱤ ᱟᱠᱟᱫᱟ ᱥᱚᱱᱡᱚᱭ᱾ ᱟᱫᱟᱞᱚᱫ ᱨᱮᱦᱚᱸ ᱥᱚᱱᱡᱚᱭᱣᱟᱠ ᱢᱚᱪᱟ ᱠᱷᱚᱱ ᱟᱡᱚᱢ ᱮᱱᱟ ᱵᱟᱝ ᱢᱟ ᱟᱡ ᱫᱚ ᱯᱟᱥᱟᱣ ᱦᱩᱭ ᱟᱠᱟᱱᱟ᱾ ᱟᱫᱟᱞᱚᱛ ᱨᱮ ᱥᱚᱱᱡᱚᱭ ᱟᱜ ᱠᱟᱛᱷᱟ ᱟᱡᱚᱢ ᱠᱟᱛᱮᱡ ᱵᱤᱪᱟᱨᱚᱠᱼᱟᱜ ᱢᱮᱱ, ᱙ ᱟᱜᱚᱥᱴ ᱟᱢᱫᱚ ᱟᱨ ᱡᱤ ᱠᱚᱨ ᱦᱟᱥᱯᱟᱛᱟᱞ ᱨᱮᱱ ᱵᱚᱞᱚ ᱞᱮᱱᱟ ᱟᱨ ᱚᱱ ᱰᱭᱩᱰᱤ ᱛᱤᱨᱞᱟᱹ ᱰᱚᱠᱴᱚᱨ ᱪᱮᱛᱟᱱ ᱮᱴᱟᱠ ᱟᱨ ᱩᱱᱤᱭᱟᱜ ᱦᱚᱴᱚᱠ ᱟᱨ ᱢᱚᱪᱟ ᱮᱥᱮᱫ ᱠᱟᱛᱮᱡ ᱩᱱᱤ ᱪᱮᱛᱟᱱ ᱨᱮ ᱥᱟᱨᱤᱨᱤᱠ ᱴᱚᱨᱪᱟᱨ ᱮᱢ ᱪᱟᱞᱟᱣ ᱟᱠᱟᱫᱟ᱾ ᱟᱢ ᱵᱤᱨᱩᱫᱽ ᱨᱮ ᱡᱟᱦᱟ ᱚᱵᱷᱤᱡᱚᱜ ᱛᱟᱦᱮᱸ ᱠᱟᱱᱟ ᱚᱱᱟ ᱥᱟᱹᱨᱤ ᱠᱟᱱᱟ ᱢᱮᱱᱛᱮ ᱯᱨᱚᱢᱟᱱ ᱮᱱᱟ᱾ ᱟᱢ ᱜᱮᱢ ᱫᱩᱥᱤ ᱠᱟᱱᱟ ᱢᱮᱱᱛᱮ ᱩᱪᱟᱹᱱ ᱦᱩᱭᱩᱜ ᱠᱟᱱᱟ᱾ ᱟᱨ ᱟᱢᱟᱜ ᱥᱟᱡᱟ ᱢᱨᱤᱛᱩᱫᱚᱱᱰᱚ ᱟᱨ ᱥᱟᱵᱚᱫᱡᱤᱵᱚᱱ ᱠᱟᱨᱟᱫᱚᱱᱰᱚ ᱥᱟᱡᱟ ᱦᱩᱭ ᱫᱟᱲᱮ ᱼᱟ᱾
ᱵᱤᱪᱟᱨᱚᱠ ᱟᱜ ᱚᱱᱟ ᱠᱟᱛᱷᱟ ᱟᱡᱚᱢ ᱠᱟᱛᱮᱡ ᱥᱚᱱᱡᱚᱭ ᱟᱜ ᱞᱟᱹᱭ ᱤᱧᱡᱟᱹᱜ ᱦᱚᱴᱚᱜ ᱨᱮ ᱨᱩᱫᱫᱨᱟᱠᱥ ᱨᱮᱭᱟᱜ ᱢᱟᱞᱟ ᱢᱮᱱᱟᱜᱼᱟ, ᱟᱨ ᱥᱟᱹᱜᱤ ᱜᱮ ᱤᱧ ᱫᱩᱥᱤ ᱠᱟᱱ ᱠᱷᱟᱡ ᱤᱧᱟᱡᱟᱜ ᱦᱚᱴᱚᱜ ᱠᱷᱚᱡ ᱢᱟᱞᱟ ᱵᱟᱝ ᱛᱚᱯᱟᱠ ᱠᱚᱜᱼᱟ᱾ CBI ᱡᱟᱦᱟ ᱯᱨᱚᱢᱟᱱ ᱠᱚ ᱮᱢ ᱟᱠᱟᱱᱟ ᱚᱱᱟ ᱪᱮᱛᱟᱱ ᱛᱮᱜᱤ ᱟᱢ ᱫᱚ ᱫᱩᱥᱤᱢ ᱞᱮᱠᱷᱟ ᱮᱱᱟ᱾ ᱛᱚᱵᱮ ᱥᱚᱱᱡᱚᱭ ᱟᱡ ᱡᱟᱦᱟ ᱛᱤᱱᱟᱹᱜ ᱜᱮ ᱱᱤᱨᱫᱚᱥ ᱮ ᱞᱟᱹᱭᱚᱜ ᱨᱮᱦᱚᱸ ᱥᱟᱥᱛᱤ ᱧᱟᱢ ᱦᱩᱭᱩᱜ ᱛᱟᱭ ᱜᱮᱭᱟ ᱥᱚᱱᱡᱚᱭ ᱢᱮᱱᱛᱮᱭ ᱞᱟᱹᱭ ᱠᱮᱫᱟᱭ ᱵᱤᱪᱟᱨᱚᱠ᱾
ᱟᱨ ᱡᱤ ᱠᱚᱨ ᱢᱟᱢᱞᱟ ᱨᱮ ᱥᱚᱱᱡᱚᱭ ᱫᱩᱥᱤ ᱪᱟᱹᱴᱤᱭᱟᱹᱨ ᱦᱩᱭ ᱮᱱ ᱨᱮᱦᱚᱸ ᱠᱩᱠᱞᱤ ᱨᱟᱠᱟᱵᱚᱠ ᱠᱟᱱᱟ ᱥᱚᱱᱡᱚᱭ ᱵᱟᱫ ᱠᱟᱛᱮᱡ ᱦᱚᱸ ᱟᱨ ᱡᱟᱦᱟᱭ ᱢᱮᱱᱟᱜ ᱠᱚᱣᱟ ᱥᱮ ᱵᱟᱝ᱾ ᱛᱚᱵᱮ ᱠᱮᱱᱫᱨᱤᱭᱚ ᱜᱚᱜᱮᱱᱫᱟ ᱠᱚᱣᱟᱜ ᱞᱟᱹᱭ ᱟᱨ ᱡᱤ ᱠᱚᱨ ᱨᱮ ᱛᱤᱨᱞᱟᱹ ᱰᱚᱠᱴᱚᱨ ᱪᱮᱛᱟᱱ ᱨᱮᱯᱷ ᱟᱨ ᱢᱟᱰᱟᱨ ᱫᱚ ᱥᱚᱱᱡᱚᱭ ᱮᱠᱞᱟ ᱜᱮ ᱠᱚᱨᱟᱣ ᱟᱠᱟᱫᱟ᱾
