PRESIDENT DROUPADI MURMU GREETS ROHIT : ᱒᱐ ᱥᱮᱨᱢᱟ ᱛᱟᱭᱚᱢ ᱯᱨᱚᱛᱤᱥᱳᱫ ᱠᱚ ᱦᱟᱛᱟᱶ ᱠᱮᱫᱟ ᱴᱤᱢ ᱤᱱᱰᱤᱭᱟ, ᱒᱐ ᱥᱮᱨᱢᱟ ᱞᱟᱦᱟ ᱨᱮ ᱟᱭ ᱥᱤ ᱥᱤ ᱪᱦᱟᱢᱯᱤᱭᱚᱱᱥ ᱴᱨᱚᱯᱷᱤ ᱨᱮ ᱥᱟᱢᱟᱝ ᱫᱟᱯᱨᱟᱢ ᱠᱚ ᱠᱤᱞᱟᱱᱰ ᱞᱮᱱᱟ ᱵᱷᱟᱨᱟᱛ ᱟᱨ ᱱᱮᱭᱡᱤᱞᱟᱱᱰ᱾ ᱢᱮᱱᱠᱷᱟᱱ ᱱᱮᱭᱡᱤᱞᱟᱱᱰ ᱴᱷᱮᱡ ᱴᱤᱢ ᱤᱱᱰᱤᱭᱟ ᱠᱚ ᱦᱟᱨᱟᱣ ᱞᱮᱱ ᱛᱟᱦᱮᱱᱟ| ᱟᱨ ᱒᱐ ᱥᱮᱨᱢᱟ ᱛᱟᱭᱚᱢ ᱦᱚᱸ ᱵᱷᱟᱜᱚ ᱨᱮᱭᱟᱜ ᱪᱟᱠᱟ ᱟᱪᱩᱨ ᱦᱮᱡ ᱮᱱᱟ ᱴᱤᱢ ᱤᱱᱰᱤᱭᱟ ᱨᱮᱭᱟᱜ ᱢᱚᱞᱚᱝ ᱨᱮ ᱾ ᱫᱩᱵᱟᱤ ᱤᱱᱴᱮᱨᱱᱟᱥᱱᱟᱞ ᱥᱴᱮᱰᱤᱭᱟᱢ ᱨᱮ ᱒᱐᱒᱕ ᱪᱟᱢᱯᱤᱭᱚᱱᱥ ᱴᱨᱚᱯᱷᱤ ᱨᱮᱭᱟᱜ ᱠᱤᱞᱟᱱᱰ ᱨᱮ ᱯᱩᱭᱞᱩ ᱵᱮᱴ ᱠᱟᱴᱮᱡ ᱕᱐ ᱚᱵᱷᱟᱨ ᱨᱮ ᱒᱕᱑ ᱨᱟᱱ ᱠᱚ ᱠᱚᱨᱟᱣ ᱞᱮᱫᱟ ᱱᱮᱭᱡᱤᱞᱟᱱᱰ ᱴᱤᱢ᱾ ᱟᱨ ᱡᱚᱵᱟᱵ ᱨᱮ ᱵᱷᱟᱨᱚᱛ ᱖ ᱭᱩᱠᱮᱴ ᱟᱫ ᱠᱟᱛᱮᱡ ᱔᱙ ᱳᱵᱷᱟᱨ ᱨᱮᱜᱤ ᱒᱕᱔ ᱨᱟᱱ ᱦᱟᱛᱟᱣ ᱠᱟᱛᱮᱡ ᱠᱚ ᱡᱤᱛᱠᱟᱨ ᱮᱱᱟ ᱾ ᱱᱚᱣᱟ ᱞᱟᱜᱟᱭ ᱛᱮ ᱪᱷᱟᱢᱯᱤᱭᱚᱱᱥ ᱴᱨᱤᱯᱷᱤ ᱨᱮ ᱤᱱᱰᱤᱭᱟ ᱯᱮ ᱫᱷᱟᱶ ᱠᱚ ᱡᱤᱛᱠᱟᱹᱨ ᱮᱱᱟ᱾
ᱵᱷᱟᱨᱚᱛ ᱪᱷᱟᱢᱯᱤᱭᱚᱱᱥ ᱛᱟᱭᱚᱢ ᱜᱮ ᱥᱳᱥᱟᱞ ᱥᱟᱭᱮᱴ ᱨᱮ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱚ ᱢᱳᱫᱤ (NARENDRA MODI) ᱴᱤᱢ ᱤᱱᱰᱤᱭᱟ ᱥᱟᱨᱦᱟᱣ ᱪᱟᱞ ᱠᱟᱛᱮᱡ ᱚᱞ ᱠᱮᱫᱟᱭ ᱢᱤᱫ ᱚᱥᱫᱟᱫᱷᱟᱨᱚᱱ ᱠᱤᱞᱟᱱᱰ ᱨᱮᱭᱟᱜ ᱢᱤᱫ ᱚᱥᱟᱫᱷᱟᱨᱚᱱ ᱯᱷᱚᱞ(ᱚᱨᱡᱚ)᱾ ᱴᱩᱨᱱᱟᱢᱮᱱᱴ ᱨᱮᱭᱟᱜ ᱜᱚᱴᱟ ᱠᱤᱞᱟᱱᱰ ᱨᱮᱜᱤ ᱱᱟᱯᱟᱭ ᱯᱟᱨᱯᱷᱚᱨᱢᱮᱱᱥ ᱠᱚ ᱫᱚᱦᱚ ᱟᱠᱟᱫᱟ ᱵᱷᱟᱨᱚᱛ ᱨᱮᱱ ᱥᱟᱱᱟᱢ ᱠᱤᱞᱟᱱᱰᱤᱭᱟᱹ ᱾
ᱛᱚᱵᱮ ᱴᱤᱢ ᱤᱱᱰᱤᱭᱟ ᱡᱤᱛᱠᱟᱹᱨ ᱥᱟᱣᱛᱮ ᱜᱤ ᱥᱟᱨᱦᱟᱣ ᱪᱟᱞ ᱨᱮ ᱵᱟᱝᱜᱮ ᱵᱤᱞᱟᱹᱢ ᱞᱮᱫᱟ ᱵᱷᱟᱨᱚᱛ ᱨᱮᱱ ᱨᱟᱥᱴᱨᱚᱯᱚᱛᱤ ᱫᱨᱚᱯᱚᱛᱤ ᱢᱩᱨᱢᱩ (DROUPADI MURMU)᱾ ICC CHAMPIONS TROPHY 2025 ᱨᱮ ᱵᱷᱟᱨᱚᱛ ᱜᱮ ᱮᱠᱢᱟᱛᱨᱚ ᱫᱚᱞ ᱠᱟᱱᱟ ᱠᱚ ᱡᱮ ᱪᱦᱟᱢᱯᱤᱭᱚᱱᱥ ᱯᱮ ᱯᱮ ᱫᱦᱟᱶ ᱠᱚ ᱡᱤᱛᱠᱟᱹᱨ ᱟᱠᱟᱱᱟ᱾
ᱫᱩᱵᱟᱭ ᱨᱮ ᱪᱦᱟᱢᱯᱤᱭᱚᱱᱥ ᱴᱨᱚᱯᱷᱚ ᱡᱤᱛᱠᱟᱹᱨ ᱛᱟᱭᱚᱢ ᱴᱤᱢ ᱤᱱᱰᱤᱭᱟ ᱢᱤᱫ ᱱᱟᱣᱟ ᱱᱟᱜᱟᱢ ᱦᱚᱠᱚ ᱵᱮᱱᱟᱣ ᱠᱮᱫᱟ ᱯᱮ ᱫᱷᱟᱶ ᱴᱨᱚᱯᱷᱤ ᱡᱤᱛᱠᱟᱹᱨ ᱠᱟᱛᱮᱡ᱾ ᱟᱨ ᱱᱚᱣᱟ ᱞᱟᱹᱜᱤᱛ ᱛᱮ ᱵᱷᱟᱨᱚᱛ ᱨᱮᱱ ᱴᱤᱢ ᱥᱟᱞᱟᱜ ᱡᱚᱯᱨᱟᱣ ᱟᱠᱟᱱ ᱥᱟᱱᱟᱢ ᱥᱴᱟᱯ, ᱢᱮᱱᱮᱡᱢᱮᱱᱰ ᱥᱟᱯᱚᱴᱮᱨ ᱠᱚᱦᱚ ᱥᱟᱨᱦᱟᱣ ᱪᱟᱞ ᱦᱩᱭ ᱟᱠᱟᱱᱟ᱾
ᱢᱚᱢᱚᱛᱟ ᱦᱚᱸ ᱥᱟᱨᱦᱟᱣ ᱠᱮᱫ ᱠᱚᱣᱟ ᱴᱤᱢ ᱤᱱᱰᱤᱭᱟ
https://x.com/MamataOfficial/status/1720871030208794924
ᱱᱮᱭᱡᱤᱞᱟᱱᱰ ᱦᱟᱨᱟᱣ ᱠᱟᱛᱮᱡ ᱤᱱᱰᱤᱭᱟ ᱡᱤᱛᱠᱟᱹᱨ ᱠᱟᱛᱮᱡ ᱜᱮ ᱵᱷᱟᱨᱟᱛᱤᱭᱚ ᱴᱤᱢ ᱥᱟᱨᱦᱟᱣ ᱠᱮᱫ ᱠᱚᱣᱟᱭ ᱯᱚᱪᱤᱢ ᱵᱟᱝᱞᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱮᱨᱡᱤ (MAMATA BANERJEE) ᱟᱨ ᱵᱤᱨᱚᱫᱷᱤ ᱫᱚᱞᱚ ᱱᱮᱛᱟ ᱥᱩᱵᱷᱮᱱᱫᱩ ᱟᱫᱷᱤᱠᱟᱹᱨᱤ (SUVENDU ADHIKARI)ᱦᱚᱸ᱾ ᱛᱚᱵᱮ ᱯᱟᱠᱤᱥᱛᱷᱟᱱ ᱟᱭᱚᱡᱚᱠ ᱫᱤᱥᱟᱹᱢ ᱛᱟᱦᱮ ᱠᱟᱛᱮᱡ ᱦᱚᱸ ᱠᱤᱞᱟᱱᱰ ᱨᱮᱭᱟᱜ ᱯᱩᱭᱞᱩ ᱨᱮᱜᱤ ᱴᱤᱢ ᱤᱱᱰᱤᱭᱟ ᱴᱷᱮᱱ ᱠᱚ ᱦᱟᱨᱟᱣ ᱦᱟᱨᱟᱣ ᱪᱚ ᱞᱮᱱ ᱛᱟᱦᱮᱱᱟ᱾
