ASSAM GUWAHATI JHUMUR DANCE : ᱟᱥᱟᱢ ᱨᱮ ᱥᱟᱯᱨᱟᱣ ᱟᱠᱟᱱᱟ ᱟᱥᱟᱢ ᱪᱟ ᱵᱟᱜᱟᱱ ᱨᱮᱱ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱡᱷᱩᱢᱩᱨ ᱮᱱᱮᱡ ᱠᱟᱹᱢᱤ ᱦᱚᱨᱟ᱾ ᱚᱱᱟ ᱠᱟᱹᱢᱤ ᱦᱚᱨᱟ ᱫᱚ ᱥᱟᱯᱨᱟᱣ ᱦᱩᱭ ᱟᱠᱟᱱᱟ ᱟᱥᱟᱢ ᱨᱮ ᱪᱟ ᱥᱤᱞᱯᱚ ᱨᱮᱭᱟᱜ ᱵᱟᱨ ᱥᱟᱭ (200) ᱥᱮᱨᱢᱟ ᱯᱩᱨᱟᱹᱣ ᱦᱩᱭᱮᱱ ᱟᱠᱟᱱᱛᱮ᱾ ᱒᱐᱒᱕ ᱥᱮᱨᱢᱟ ᱨᱮᱭᱟᱜ ᱒᱕ ᱟᱨ ᱒᱖ ᱯᱷᱮᱵᱭᱩᱨᱭ ᱨᱮ ᱦᱩᱭᱩᱜ ᱠᱟᱱᱟ ᱟᱰᱵᱷᱟᱱᱥ ᱟᱥᱟᱢ ᱒ᱹ᱐ ᱤᱱᱵᱷᱮᱥᱢᱮᱱᱴ ᱥᱟᱶᱛᱮ ᱤᱱᱯᱷᱟᱨᱟᱠᱴᱟᱠᱪᱟᱨ ᱥᱟᱢᱤᱴ(2.0 Investment & Infrastructure Summit),᱾ ᱟᱥᱟᱢ ᱨᱮ ᱚᱱᱟ ᱠᱟᱹᱢᱤ ᱦᱚᱨᱟ ᱮᱛᱦᱚᱵ ᱞᱟᱦᱟᱨᱮ ᱢᱮᱱᱫᱚ ᱒᱔ ᱯᱷᱮᱵᱭᱩᱨᱭ ᱨᱮᱜᱤ ᱟᱥᱟᱢ ᱥᱮᱴᱮᱨ ᱮᱱᱟᱭ ᱫᱤᱥᱟᱹᱢ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ(narendra modi)᱾ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱟᱥᱟᱢ ᱥᱮᱴᱮᱨ ᱥᱟᱶᱛᱮ ᱚᱱᱤ ᱠᱚ ᱟᱛᱟᱝ ᱫᱟᱨᱟᱢ ᱠᱤᱫᱤᱭᱟ ᱪᱟ ᱵᱟᱜᱟᱱ ᱨᱮᱱ ᱟᱹᱫᱤᱵᱟᱹᱥᱤ ᱠᱚ᱾
᱒ᱹ᱐ ᱤᱱᱵᱷᱮᱥᱢᱮᱱᱴ & ᱤᱱᱯᱷᱟᱨᱟᱠᱴᱟᱠᱪᱟᱨ ᱥᱟᱢᱤᱴ ᱨᱮᱭᱟᱜ ᱯᱩᱭᱞᱩ ᱢᱟᱦᱟ ᱨᱮ ᱥᱮᱴᱮᱨ ᱠᱚ ᱛᱟᱦᱮᱱᱟ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ, ᱵᱟᱨᱦᱮ ᱫᱤᱥᱟᱹᱢ ᱨᱮᱱ ᱨᱟᱥᱴᱨᱟ ᱫᱩᱛ, ᱥᱤᱞᱯᱚᱯᱚᱛᱤ ᱟᱨ ᱨᱟᱡᱱᱮᱛᱟ ᱠᱚᱦᱚ᱾ ᱛᱚᱵᱮ ᱠᱟᱹᱢᱤ ᱦᱚᱨᱟ ᱫᱚ ᱰᱤᱥᱟᱹᱢ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ (narendra modi) ᱛᱤ ᱛᱮᱜᱤ ᱩᱰᱟᱹᱣ ᱥᱟᱹᱜᱩᱱ ᱦᱩᱭᱩᱜᱼᱟ᱾
ᱠᱟᱹᱢᱤ ᱦᱚᱨᱟ ᱱᱟᱯᱟᱭ ᱛᱮ ᱠᱚᱨᱟᱣ ᱞᱟᱹᱜᱤᱛ ᱛᱮ ᱰᱤᱵᱨᱚᱜᱚᱲ ᱨᱮᱭᱟᱜ ᱠᱷᱟᱱᱤᱠᱚᱨ ᱰᱟᱹᱦᱤ ᱨᱮ ᱢᱤᱫ ᱥᱟᱯᱨᱟᱣ ᱠᱟᱹᱢᱤ ᱦᱚᱨᱟ ᱠᱚᱨᱟᱣ ᱦᱩᱭ ᱞᱮᱱ ᱛᱮᱦᱮᱱᱟ ᱟᱨ ᱚᱱᱟ ᱨᱮᱜᱤ ᱠᱚ ᱰᱤᱵᱨᱩᱜᱚᱲ, ᱛᱤᱥᱚᱠᱤᱭᱟ, ᱪᱚᱨᱟᱭᱫᱮ, ᱞᱚᱠᱤᱢᱯᱩᱨ ᱟᱨ ᱫᱷᱮᱢᱟᱡᱤ ᱮᱢᱟᱱ ᱡᱮᱞᱟ ᱠᱚᱨᱮ ᱠᱷᱚᱱ ᱓ ᱔ ᱗᱑ ᱡᱚᱱᱟ ᱮᱱᱮᱡ ᱥᱤᱞᱯᱤ ᱠᱚ ᱥᱮᱴᱮᱨ ᱞᱮᱱ ᱛᱮᱦᱮᱱᱟ᱾ ᱟᱥᱟᱢ ᱨᱮᱱ ᱪᱟ ᱥᱤᱞᱯᱤ ᱠᱚᱣᱟᱜ ᱢᱤᱫ ᱴᱨᱮᱰᱤᱥᱚᱱᱟᱞ ᱮᱱᱮᱡ ᱠᱟᱱᱟ ᱡᱷᱩᱢᱩᱨ ᱮᱱᱮᱡ, ᱥᱟᱱᱟᱢ ᱠᱚᱜᱮ ᱛᱩᱢᱫᱟᱜ ᱴᱟᱢᱟᱜ ᱟᱨ ᱛᱟᱹᱨᱭᱟᱹ ᱚᱨᱚᱝ ᱠᱟᱛᱮᱡ ᱢᱤᱫ ᱠᱟᱛᱮᱡ ᱟᱠᱩᱣᱟᱜ ᱥᱟᱯᱟᱯ ᱠᱚ ᱦᱚᱨᱚᱜᱼᱵᱟᱱᱫᱮ ᱠᱟᱛᱮᱡ ᱡᱷᱩᱢᱩᱨ ᱠᱚ ᱮᱱᱮᱡ ᱮᱱᱟ᱾
᱒ᱹ᱐ ᱤᱱᱵᱷᱮᱥᱢᱮᱱᱴ & ᱤᱱᱯᱷᱟᱨᱟᱠᱴᱟᱠᱪᱟᱨ ᱥᱟᱢᱤᱴ ᱛᱟᱞᱟ ᱛᱮ ᱟᱥᱟᱢ ᱨᱮᱱ ᱟᱹᱫᱤᱵᱟᱹᱥᱤ ᱠᱚ ᱢᱩᱫ ᱨᱮ ᱠᱟᱹᱣᱰᱤ ᱟᱹᱨᱤ ᱠᱮᱛᱮᱡ ᱥᱟᱣᱼᱥᱟᱣᱛᱮ ᱟᱥᱟᱢ ᱨᱮᱭᱟᱜ ᱟᱹᱨᱤᱼᱪᱟᱹᱞᱤ (CULTURAL) ᱡᱤᱭᱟᱹᱨ ᱫᱚᱦᱚ ᱨᱮᱭᱟᱜ ᱠᱩᱨᱩᱢᱩᱴᱩ ᱦᱩᱭ ᱟᱠᱟᱱᱟ᱾
