DEEPAK ADHIKARI : ᱵᱟᱝᱞᱟᱫᱮᱥ ᱥᱤᱢᱟᱹ ᱨᱮ ᱚᱱᱩᱯᱨᱚᱵᱮᱥ ᱨᱮᱭᱟᱜ ᱜᱷᱚᱴᱚᱱᱟ ᱤᱫᱤ ᱠᱟᱛᱮᱡ ᱵᱟᱨ ᱵᱟᱨ ᱠᱩᱠᱞᱤ ᱥᱟᱢᱟᱝ ᱨᱮ ᱦᱮᱡ ᱟᱠᱟᱱᱟ᱾ ᱵᱟᱝᱞᱟᱫᱮᱥ ᱨᱮ ᱥᱮᱠ ᱦᱟᱥᱤᱱᱟ(SHEIKH HASINA) ᱭᱟᱜ ᱥᱚᱨᱠᱟᱨ ᱨᱟᱯᱩᱛ ᱛᱟᱭᱚᱢ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱨᱮᱱ ᱯᱨᱚᱫᱷᱟᱱ ᱩᱯᱚᱫᱮᱥᱴᱟ ᱭᱩᱱᱩᱥ ᱥᱚᱨᱠᱟᱨ (MUHAMMAD YUNUS) ᱥᱟᱣᱛᱮ ᱥᱤᱢᱟᱹ ᱨᱮ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱟᱭᱢᱟ ᱫᱷᱟᱣ ᱜᱮ ᱧᱮᱞ ᱟᱠᱟᱱᱟ ᱢᱚᱛᱚᱵᱤᱨᱚᱛ᱾ ᱵᱷᱟᱨᱚᱛ ᱵᱟᱝᱞᱟᱫᱮᱥ ᱥᱤᱢᱟᱹ ᱡᱟᱦᱟ ᱚᱠᱛᱚ ᱱᱤᱨᱟᱯᱚᱛᱛᱟ ᱤᱫᱤ ᱠᱟᱛᱮᱡ ᱨᱟᱡᱡᱚ ᱨᱟᱡᱱᱤᱛᱤ ᱡᱚᱠᱷᱚᱱ ᱠᱷᱟᱹᱯᱟᱹᱨᱤ ᱪᱟᱞᱟᱜ ᱠᱟᱱᱟ, ᱴᱷᱤᱠ ᱚᱱᱟ ᱚᱱᱟ ᱚᱠᱛᱚ ᱜᱮ ᱠᱟᱴᱟᱛᱟᱨ ᱨᱮᱭᱟᱜ ᱜᱷᱮᱨᱟ ᱤᱫᱤ ᱠᱟᱛᱮᱡ ᱫᱤᱥᱟᱹᱢ ᱨᱮᱭᱟᱜ ᱥᱚᱝᱥᱚᱫ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱛᱷᱮᱱ ᱠᱩᱠᱞᱤ ᱨᱟᱠᱟᱵ ᱠᱮᱫᱟ ᱛᱨᱤᱱᱚᱢᱩᱞ ᱥᱟᱝᱥᱚᱫ ᱫᱤᱯᱚᱠ ᱚᱫᱷᱤᱠᱟᱨᱤ(DEEPAK ADHIKARI)᱾
ᱵᱟᱝᱞᱟᱫᱮᱥ ᱥᱤᱢᱟᱹ ᱨᱮᱭᱟᱜ ᱟᱹᱰᱤ ᱜᱟᱱ ᱴᱚᱛᱷᱟ ᱨᱮ ᱜᱷᱮᱨᱟ ᱞᱟᱜᱟᱣ ᱤᱫᱤ ᱠᱟᱛᱮᱡ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱪᱮᱫᱟᱠ ᱩᱱᱟᱜ ᱮ ᱵᱤᱞᱟᱹᱢ ᱮᱫᱟ ᱥᱚᱨᱟᱥᱴᱨᱚ ᱫᱚᱯᱛᱚᱨ ᱨᱮ ᱠᱩᱠᱞᱤ ᱫᱮᱵ ᱟᱜ᱾ ᱥᱟᱝᱥᱚᱫ ᱫᱮᱵᱼᱟᱜ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱠᱮᱱᱫᱨᱤᱭᱚ ᱥᱚᱨᱠᱟᱨ ᱯᱟᱥᱴᱟ ᱠᱷᱚᱱ ᱛᱮᱞᱟᱭ ᱮᱱ ᱠᱮᱫᱟ ᱥᱚᱨᱟᱥᱴᱨᱚ ᱫᱚᱯᱛᱚᱨ ᱨᱮᱱ ᱯᱨᱚᱛᱤᱢᱚᱱᱛᱨᱤ ᱱᱤᱛᱭᱟᱱᱚᱱᱫᱚ ᱨᱟᱭ (NITYANAND RAI)᱾
᱑) ᱫᱮᱵ ᱺ ᱵᱟᱝᱞᱟᱫᱮᱥ ᱥᱟᱣᱛᱮ ᱵᱷᱟᱨᱚᱛ ᱨᱮᱭᱟᱜ ᱢᱚᱛ ᱥᱤᱢᱟᱹ ᱛᱤᱱᱟᱹᱜ ?
ᱫᱮᱵ ᱟᱜ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱞᱮᱠᱟᱛᱮ ᱠᱮᱱᱫᱨᱚᱼᱟᱜ ᱞᱟᱹᱭ ᱵᱷᱟᱨᱚᱛᱼᱵᱟᱝᱞᱟᱫᱮᱥ ᱢᱩᱫ ᱨᱮ ᱢᱚᱴ ᱥᱤᱢᱟᱹ ᱢᱮᱱᱟᱜᱼᱟ ᱔᱐᱙᱖ᱹ᱗᱐ ᱠᱤᱢᱤ᱾
᱒) ᱫᱮᱵ ᱺ ᱚᱠᱟ ᱚᱠᱟ ᱯᱚᱱᱚᱛ ᱥᱟᱣᱛᱮ ᱵᱟᱝᱞᱟᱫᱮᱥ ᱨᱮᱭᱟᱜ ᱥᱤᱢᱟᱹ ᱵᱷᱟᱨᱚᱛ ᱥᱟᱣᱛᱮ ᱢᱮᱱᱟᱜᱼᱟ?
ᱠᱮᱱᱫᱨᱚ ᱥᱚᱨᱠᱟᱨᱼᱟᱜ ᱞᱟᱹᱭ, ᱯᱚᱪᱷᱤᱢ ᱵᱚᱝᱜᱚ(᱒᱒᱑᱖ᱹ᱗ ᱠᱤᱢᱤ) ᱚᱥᱚᱢ (᱒᱖᱓ ᱠᱤᱢᱤ)ᱢᱮᱜᱷᱟᱞᱚᱭ (᱔᱔᱓), ᱛᱨᱤᱯᱩᱨᱟ (᱘᱕᱖ ᱠᱤᱢᱤ), ᱟᱨ ᱢᱤᱡᱚᱨᱟᱢ (᱓᱑᱘ ᱠᱤᱢᱤ)᱾
᱓)ᱫᱮᱵᱼ ᱟᱜ ᱯᱨᱚᱥᱱᱚ ᱛᱟᱦᱮᱸ ᱠᱟᱱᱟ ᱵᱷᱟᱨᱚᱛ ᱵᱟᱝᱞᱟᱫᱮᱥ ᱥᱤᱢᱟᱹ ᱨᱮ ᱛᱤᱱᱟᱹᱜ ᱠᱤᱢᱤ ᱠᱟᱴᱟᱛᱟᱨ ᱨᱮᱭᱟᱜ ᱵᱮᱲᱟ ᱵᱟᱱᱩᱜᱼᱟ᱾
ᱠᱮᱱᱫᱨᱚᱼ ᱟᱜ ᱞᱟᱹᱭ, ᱵᱷᱟᱨᱚᱛ ᱵᱟᱝᱞᱟᱫᱮᱥ ᱥᱤᱢᱟᱹ ᱨᱮ ᱘᱖᱔ᱹ᱔᱘᱒ ᱠᱤᱢᱤ ᱨᱮ ᱠᱟᱴᱟᱛᱟᱨ ᱨᱮᱭᱟᱜ ᱵᱮᱲᱟ ᱵᱟᱱᱩᱜᱼᱟ᱾
᱔)ᱪᱮᱫᱟᱜ ᱱᱤᱛ ᱦᱟᱵᱤᱛ ᱛᱮ ᱜᱚᱴᱟ ᱜᱷᱮᱨᱟ ᱞᱟᱜᱟᱣ ᱵᱟᱝ ᱦᱩᱭ ᱥᱟᱹᱫ ᱟᱠᱟᱱᱟ ᱚᱱᱟ ᱦᱚᱸ ᱵᱟᱰᱟᱭ ᱞᱟᱹᱜᱤᱫ ᱥᱚᱝᱥᱚᱫ ᱨᱮ ᱠᱩᱠᱞᱤ ᱫᱚᱦᱚ ᱞᱮᱫᱟ ᱫᱮᱵ?
ᱫᱮᱵᱼᱟᱜ ᱠᱩᱠᱞᱤ ᱨᱮᱭᱟᱜ ᱛᱮᱞᱟ ᱞᱮᱠᱟᱛᱮ ᱠᱮᱱᱫᱨᱚ ᱟᱜ ᱞᱟᱹᱭ, ᱵᱷᱟᱨᱚᱛ ᱟᱨ ᱵᱟᱝᱞᱟᱫᱮᱥ ᱥᱤᱢᱟᱹ ᱨᱮ ᱠᱤᱪᱷᱩ ᱠᱤᱪᱷᱩ ᱡᱟᱭᱜᱟ ᱨᱮ ᱱᱤᱛ ᱦᱚᱸ ᱜᱷᱮᱨᱟ ᱵᱟᱝ ᱦᱩᱭ ᱟᱠᱟᱱᱟ᱾ ᱛᱚᱵᱮ ᱚᱱᱟ ᱨᱮᱭᱟᱜ ᱵᱮᱥ ᱠᱤᱪᱷᱩ ᱚᱡᱮ ᱦᱚᱸ ᱢᱮᱱᱟᱜᱼᱟ᱾ ᱡᱟᱦᱟᱸ ᱫᱚ ᱵᱮᱲᱟ ᱠᱚᱨᱟᱣ ᱞᱟᱹᱜᱤᱫ ᱠᱤᱪᱷᱩ ᱢᱚᱥᱠᱤᱞ ᱦᱟᱞᱟᱛ ᱨᱮᱭ ᱯᱟᱨᱟᱣ ᱠᱟᱱᱟ ᱠᱮᱱᱫᱨᱚ᱾ ᱠᱤᱪᱷᱩ ᱡᱟᱭᱜᱟ ᱨᱮ ᱢᱮᱱᱟᱜ ᱟᱠᱟᱫᱟ ᱫᱟᱜ ᱡᱟᱦᱟ ᱠᱷᱟᱹᱛᱤᱨ ᱠᱟᱴᱟᱛᱟᱨ ᱵᱟᱝ ᱜᱟᱱ ᱟᱠᱟᱱᱟ᱾ ᱟᱵᱟᱨ ᱠᱤᱪᱷᱩ ᱴᱚᱛᱷᱟ ᱨᱮ BORDER GUARD BANGLADESH ᱠᱟᱴᱟᱛᱟᱨ ᱨᱮᱭᱟᱜ ᱵᱮᱲᱟ ᱵᱟᱝ ᱠᱚ ᱵᱮᱱᱟᱣ ᱪᱷᱚ ᱠᱚ ᱠᱟᱱᱟ᱾ ᱟᱨ ᱢᱤᱰ ᱠᱟᱨᱚᱱ ᱞᱮᱠᱟᱛᱮ ᱠᱮᱱᱫᱨᱚᱼ ᱟᱜ ᱞᱟᱹᱭ ᱡᱚᱢᱤ ᱟᱫᱷᱤᱜᱚᱱ ᱫᱮᱨᱤ ᱛᱮ ᱦᱩᱭ ᱟᱠᱟᱱ ᱠᱷᱟᱹᱛᱤᱨ ᱠᱟᱴᱟᱛᱟᱨ ᱞᱟᱜᱟᱣ ᱵᱟᱝ ᱜᱟᱱ ᱟᱠᱟᱱᱟ᱾
ᱡᱚᱢᱤ ᱟᱫᱷᱤᱜᱨᱚᱦᱚᱱ ᱤᱫᱤ ᱠᱟᱛᱮᱡ ᱮᱴᱠᱮᱴᱚᱲᱮ ᱦᱩᱭᱩᱜ ᱠᱟᱱᱟ ᱢᱮᱱᱛᱮ ᱡᱩᱜᱛᱤ ᱮᱢ ᱟᱠᱟᱱᱟ ᱠᱮᱱᱫᱨᱚ ᱥᱚᱨᱠᱟᱨ, ᱢᱮᱱᱠᱷᱟᱱ ᱚᱱᱟ ᱮᱴᱠᱮᱴᱚᱲᱮ ᱫᱚ ᱵᱮᱱᱜᱟᱞ ᱥᱟᱢᱩᱝ ᱫᱚ ᱵᱟᱝ ᱮᱴᱟᱜ ᱯᱚᱱᱚᱛ ᱠᱚᱨᱮ ᱦᱚᱸ ᱚᱱᱠᱟ ᱜᱮ ᱮᱴᱠᱮᱴᱚᱲᱮ ᱦᱩᱭᱩᱜ ᱠᱟᱱᱟ᱾ ᱦᱟᱞᱮ ᱜᱮ ᱵᱮᱱᱜᱚᱞ ᱯᱚᱱᱚᱛ ᱨᱮᱭᱟᱜ ᱢᱟᱞᱫᱟ ᱡᱮᱞᱞᱟ ᱨᱮ ᱵᱷᱟᱨᱚᱴᱼᱵᱟᱝᱞᱟᱫᱮᱥ ᱥᱤᱢᱟᱹ ᱨᱮ ᱠᱟᱴᱟᱛᱟᱨ ᱨᱮᱭᱟᱜ ᱜᱷᱮᱨᱟ ᱞᱟᱜᱟᱣ ᱚᱠᱛᱚ ᱵᱷᱟᱨᱚᱛ ᱨᱮᱱ ᱵᱤ ᱮᱥ ᱮᱯ ᱠᱚ ᱥᱟᱞᱟᱜ ᱠᱷᱟᱹᱯᱟᱹᱨᱤ ᱦᱩᱭ ᱞᱮᱱ ᱛᱟᱦᱮᱱᱟ ᱢᱮᱱᱛᱮ ᱦᱚᱸ ᱟᱯᱷᱚᱛ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱠᱮᱱᱫᱨᱚ ᱥᱚᱨᱠᱟᱨ᱾
