ᱞᱮᱠᱷᱟ ᱥᱟᱹᱢᱩᱝ ᱠᱚᱭᱮᱠ ᱫᱤᱱ ᱛᱟᱭᱚᱢ ᱜᱮ ᱫᱤᱞᱞᱤ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ (Delhi Assembly Elections)᱾ ᱫᱤᱞᱞᱤ ᱨᱮᱭᱟᱜ ᱴᱨᱤᱢᱩᱠᱷᱤ ᱱᱤᱨᱵᱟᱪᱷᱚᱱ ᱨᱮ ᱟᱯ, ᱵᱤ ᱡᱮ ᱯᱤ ᱟᱨ ᱠᱚᱱᱜᱨᱮᱥ ᱥᱟᱱᱟᱢ ᱨᱟᱡᱽᱼᱟᱹᱨᱤ ᱯᱟᱨᱴᱤ ᱜᱮ ᱟᱹᱰᱤ ᱡᱚᱨ ᱯᱨᱚᱪᱟᱨ ᱠᱟᱹᱢᱤ ᱦᱚᱨᱟ ᱠᱚ ᱪᱟᱞᱟᱣ ᱮᱫᱟ᱾ ᱥᱟᱱᱟᱢ ᱯᱟᱨᱴᱤ ᱜᱮ ᱠᱷᱚᱢᱚᱛᱟ ᱨᱮ ᱦᱟᱡᱩᱜ ᱞᱟᱹᱜᱤᱫ ᱢᱤᱫ ᱠᱷᱚᱱ ᱢᱤᱫ ᱯᱨᱚᱛᱤᱥᱨᱚᱛᱤ ᱠᱚ ᱮᱢ ᱮᱫᱟ᱾ ᱟᱨ ᱱᱚᱱᱠᱟᱱ ᱚᱠᱛᱚ ᱨᱮᱜᱤ ᱟᱯ ᱥᱩᱯᱨᱤᱢᱚ ᱯᱮᱭᱟ ᱯᱨᱚᱛᱤᱥᱨᱚᱛᱤ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱠᱮᱫᱟ, ᱡᱟᱸᱦᱟ ᱫᱚᱱ ᱟᱡ ᱵᱟᱭ ᱯᱩᱨᱟᱣ ᱫᱟᱲᱮ ᱟᱠᱟᱶ ᱫᱟᱜᱼᱟ᱾
ᱫᱤᱞᱞᱤᱵᱟᱹᱥᱤ ᱴᱷᱮᱱ ᱮᱠᱟᱹ ᱠᱷᱚᱡ ᱠᱟᱛᱮᱡ ᱠᱮᱡᱨᱤ ᱟᱜ ᱞᱟᱹᱭ, ᱒᱐᱒᱐ ᱨᱮᱭᱟᱜ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱞᱟᱦᱟ ᱵᱮᱥ ᱠᱤᱪᱷᱩ ᱠᱟᱹᱢᱤ ᱤᱫᱤ ᱠᱟᱛᱮᱡ ᱯᱨᱚᱛᱤᱥᱚᱛᱤ ᱮᱢ ᱞᱮᱫᱟ᱾ ᱟᱨ ᱚᱱᱟ ᱠᱚ ᱢᱩᱫ ᱨᱮ ᱯᱮᱭᱟ ᱵᱟᱝ ᱮ ᱯᱩᱨᱟᱣ ᱟᱠᱟᱫᱟ᱾ ᱡᱟᱸᱦᱟ ᱫᱚ (᱑) ᱭᱟᱢᱩᱱᱟ ᱱᱟᱹᱭ ᱥᱟᱯᱷᱟ, (CLEANING YAMUNA RIVER), (᱒)᱒᱔ ᱴᱟᱲᱟᱝ ᱜᱮ ᱯᱷᱟᱨᱪᱟ ᱧᱩ ᱫᱟᱜ(24-Hour Clean Drinking Water) , (᱓) ᱟᱨ ᱛᱮᱥᱟᱨ ᱫᱚ ᱭᱳᱨᱳᱯ ᱞᱮᱠᱟ ᱫᱤᱞᱞᱤ ᱨᱮ ᱰᱟᱦᱟᱨ ᱵᱮᱱᱟᱣ(DELHI’S ROADS IN THE EUROPEAN STYLE)|
᱒᱐᱒᱓ ᱨᱮ ᱠᱮᱡᱨᱤᱣᱟᱞ ᱢᱮᱱ ᱞᱮᱫᱟᱭ ᱡᱮ ᱒᱐᱒᱕ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱞᱟᱦᱟᱨᱮ ᱭᱟᱢᱩᱱᱟ ᱫᱚ ᱥᱟᱯᱷᱟ ᱟᱦ ᱟᱨ ᱩᱱᱤ ᱭᱟᱢᱩᱱᱟ ᱜᱟᱰᱟ ᱨᱮ ᱰᱩᱵᱩᱡᱚᱜᱼᱟᱭ ᱾ ᱵᱤᱨᱚᱫᱷᱤ ᱠᱚ ᱫᱚ ᱡᱟᱣ ᱜᱮ ᱠᱮᱡᱨᱤᱣᱟᱞ ᱪᱮᱛᱟᱱ ᱟᱠᱨᱚᱢᱚᱱ ᱛᱟᱞᱟ ᱛᱮ ᱩᱱᱤᱭᱟᱜ ᱠᱟᱛᱷᱟ ᱠᱚ ᱫᱤᱥᱟᱹ ᱚᱪᱚ ᱟᱫᱮᱭᱟ᱾ ᱒᱐᱒᱒ ᱨᱮᱭᱟᱜ ᱪᱷᱩᱱᱟᱵᱤ ᱣᱟᱫᱟ ᱞᱮᱠᱟᱛᱮ ᱡᱟᱦᱟ ᱵᱟᱝ ᱯᱩᱨᱟᱹᱣ ᱟᱠᱟᱱ ᱚᱱᱟ ᱵᱮᱨᱛᱷᱚᱛᱟ ᱨᱮᱭᱟᱜ ᱫᱟᱭᱼᱮ ᱢᱟᱱᱟᱶ ᱠᱮᱫᱟ ᱟᱯ ᱥᱩᱯᱨᱤᱢᱚ ᱟᱨ ᱵᱟᱝ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱚᱱᱛᱨᱤ ᱟᱨᱵᱤᱱᱫ ᱠᱮᱡᱨᱤᱣᱟᱞ(ARBIND KEJRIWAL)| ᱥᱟᱶᱛᱮ ᱱᱚᱣᱟ ᱦᱚᱭ ᱞᱟᱹᱭ ᱠᱮᱫᱟ ᱡᱮ ᱰᱟᱨᱟᱭ ᱠᱟᱱ ᱢᱚᱲᱮ ᱥᱮᱨᱢᱟ ᱨᱮ ᱚᱱᱟ ᱵᱟᱝ ᱯᱩᱨᱟᱹᱣ ᱠᱟᱹᱢᱤ ᱞᱟᱦᱟ ᱨᱮᱭ ᱯᱩᱨᱟᱹᱣ ᱟᱜ ᱢᱮᱱᱛᱮᱭ ᱞᱟᱹ ᱠᱮᱫᱟ᱾
ᱛᱚᱵᱮ ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱫᱤᱞᱞᱤ ᱫᱩᱥᱩᱱ ᱟᱨ ᱭᱟᱢᱩᱱᱟ ᱫᱩᱥᱩᱱ ᱤᱫᱤ ᱠᱟᱛᱮᱡ ᱵᱤ ᱡᱮ ᱯᱤ ᱢᱟ ᱦᱮᱜᱤ ᱠᱚᱝᱜᱨᱮᱥ ᱦᱚᱸ ᱟᱨᱵᱤᱱᱫ ᱠᱮᱡᱨᱤᱣᱟᱞ (ARBIND KEJRIWAL) ᱪᱮᱛᱟᱱ ᱠᱟᱛᱷᱟ ᱠᱚ ᱛᱮᱨᱟᱝ ᱮᱫᱟ᱾ ᱵᱤᱨᱚᱫᱷᱤ ᱠᱚᱣᱟᱜ ᱞᱟᱹᱭ ᱫᱤᱞᱞᱤ ᱨᱮ ᱟᱯ ᱠᱷᱚᱢᱚᱛᱟ ᱨᱮ ᱦᱮᱡ ᱠᱟᱛᱮᱡ ᱜᱮ ᱨᱟᱡᱽᱫᱷᱟᱱᱤ ᱨᱮ ᱵᱟᱭᱩ ᱫᱩᱥᱚᱱ (AIR POLLUTION)ᱟᱨ ᱭᱟᱢᱩᱱᱟ ᱫᱩᱥᱚᱱ(YAMUNA POLLUTION) ᱵᱟᱹᱲᱛᱤ ᱟᱠᱟᱱᱟ᱾ ᱛᱚᱵᱮ ᱟᱯ ᱥᱚᱨᱠᱟᱨ ᱫᱤᱞᱞᱤ ᱨᱮᱭᱟᱜ ᱫᱩᱥᱚᱱ ᱵᱟᱹᱲᱛᱤ ᱤᱫᱤ ᱠᱟᱛᱮᱡ ᱯᱟᱥᱮᱨ ᱨᱟᱡᱡᱚ ᱨᱮᱱ ᱪᱟᱹᱥᱤ ᱠᱚᱜᱮ ᱫᱟᱭᱤ ᱮᱫ ᱠᱚᱣᱟ᱾ ᱩᱱᱤᱣᱟᱜ ᱞᱟᱹᱭ ᱯᱟᱥᱮᱨ ᱨᱟᱡᱡᱚ ᱨᱮ ᱪᱟᱹᱥᱤ ᱠᱚ ᱵᱩᱥᱩᱵ ᱨᱟᱯᱟᱜ ᱠᱷᱟᱹᱛᱤᱨ ᱵᱟᱝᱢᱟ ᱫᱤᱞᱞᱤ ᱨᱮ ᱵᱟᱭᱩ ᱰᱩᱥᱚᱱ ᱵᱟᱹᱲᱛᱤ ᱪᱟᱞᱟᱜ ᱠᱟᱱᱟ᱾ ᱯᱟᱥᱮᱨ ᱨᱟᱡᱡᱚ ᱨᱮ ᱵᱩᱥᱩᱵ ᱨᱟᱯᱟᱜ ᱠᱷᱟᱹᱛᱤᱨ ᱛᱮ ᱫᱤᱞᱞᱤ ᱨᱮ ᱡᱮ ᱫᱩᱥᱩᱱ ᱵᱟᱹᱲᱛᱤ ᱠᱟᱱ ᱠᱮᱡᱨᱤᱣᱟᱞ ᱟᱜ ᱚᱱᱟ ᱠᱟᱛᱷᱟᱭ ᱥᱚᱢᱚᱨᱛᱷᱚᱱ ᱟᱠᱟᱫᱟ ᱱᱩᱛᱚᱱ ᱫᱤᱞᱞᱤ(NEW DELHI ASSEMBLY) ᱨᱮᱱ ᱠᱚᱝᱜᱨᱮᱥ ᱯᱨᱟᱨᱛᱷᱤ ᱥᱚᱱᱫᱤᱯ ᱫᱤᱠᱥᱤᱛ(SANDEEP DIKSHIT)| ᱩᱱᱤ ᱦᱚᱸ ᱚᱱᱟ ᱜᱮᱭ ᱞᱟᱹᱭ ᱟᱠᱟᱫᱟ ᱡᱮ ᱡᱩᱜ ᱡᱩᱜ ᱠᱷᱚᱱ ᱫᱤᱞᱞᱤ ᱨᱮ ᱵᱩᱥᱩᱵ ᱨᱟᱯᱟᱜ(STAW BURNING) ᱦᱩᱭᱩᱜ ᱠᱟᱱ ᱛᱮ ᱫᱩᱥᱩᱱ ᱨᱮᱭᱟᱜ ᱢᱟᱛᱨᱟ ᱫᱤᱱ ᱫᱤᱱ ᱵᱟᱹᱲᱛᱤ ᱪᱟᱞᱟᱜ ᱠᱟᱱᱟ᱾
ᱱᱤᱭᱟᱹ ᱫᱷᱟᱣ ᱫᱚ ᱫᱤᱞᱞᱤ ᱨᱮᱱ ᱢᱟᱨᱮ ᱥᱤᱨᱟᱹ ᱢᱟᱱᱛᱨᱚ ᱟᱡ ᱛᱮᱜᱮ ᱚᱱᱟ ᱠᱟᱛᱷᱟ ᱵᱟᱝ ᱯᱩᱨᱟᱹᱣ ᱞᱟᱹᱜᱤᱫ ᱜᱟᱞᱚᱪ ᱞᱮᱫᱟᱭ ᱾ ᱢᱮᱱᱠᱷᱟᱱ, ᱩᱱᱤ ᱦᱚᱸ ᱢᱮᱱ ᱠᱮᱫᱟᱭ ᱡᱮ ᱩᱱᱤ ᱫᱚ ᱱᱚᱣᱟ ᱯᱮᱭᱟ ᱠᱟᱛᱷᱟ ᱫᱟᱨᱟᱭ ᱢᱚᱲᱮ ᱥᱮᱨᱢᱟ ᱵᱷᱤᱛᱨᱤ ᱨᱮ ᱯᱩᱨᱟᱹᱣ ᱫᱟᱲᱮᱭᱟᱜᱼᱟᱭ᱾
