HEMANT SOREN ELECTED THE CENTRAL PRESIDENT OF JMM : ᱡᱷᱟᱲᱠᱷᱟᱱᱰ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱟᱱᱛ ᱥᱚᱨᱮᱱ (HEMANT SOREN) ᱵᱮᱱᱟᱶ ᱮᱱᱟᱭ ᱡᱮ ᱮᱢ ᱮᱢ ᱯᱟᱨᱴᱤ ᱨᱮᱱ ᱠᱮᱱᱫᱨᱤᱭᱚ ᱥᱚᱵᱷᱟᱯᱚᱛᱤ᱾ ᱦᱮᱢᱚᱱᱛ ᱥᱚᱨᱮᱱ JMM ᱨᱮ ᱢᱟᱨᱟᱝ ᱡᱤᱢᱢᱤᱵᱟᱨᱤ ᱧᱟᱢ ᱛᱟᱭᱚᱢ ᱥᱷᱤᱵᱩ ᱥᱚᱨᱮᱱ ᱫᱚ ᱫᱚᱞ ᱨᱮᱱ ᱥᱚᱝᱥᱛᱷᱟᱯᱚᱠ ᱥᱚᱝᱨᱚᱠᱠᱚᱠ ᱨᱮᱭᱟᱜ ᱵᱷᱩᱢᱤᱠᱟ ᱨᱮᱜᱤ ᱛᱟᱦᱮᱸ ᱮᱱᱟ᱾ ᱦᱮᱢᱚᱱᱛ ᱥᱚᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱥᱟᱶ ᱥᱟᱶᱛᱮ ᱯᱟᱨᱴᱤ ᱨᱮ ᱢᱟᱨᱟᱝ ᱡᱤᱢᱢᱮᱵᱟᱨᱤ ᱧᱟᱢ ᱛᱟᱭᱚᱢ ᱱᱤᱛ ᱠᱟᱨᱡᱚᱠᱟᱨᱤ ᱥᱚᱵᱷᱟᱯᱚᱛᱤ ᱨᱮᱭᱟᱜ ᱦᱩᱫᱟᱹ ᱠᱚ ᱠᱷᱟᱛᱚᱢ ᱠᱮᱫᱟ JMM᱾ ᱛᱚᱵᱮ JMM ᱨᱮ ᱱᱚᱣᱟ ᱥᱟᱱᱟᱢ ᱠᱤᱪᱷᱩ ᱨᱮᱭᱟᱜ ᱯᱚᱨᱤᱵᱚᱨᱛᱚᱱ ᱫᱚ ᱯᱟᱨᱴᱤ ᱨᱮᱭᱟᱜ ᱑᱓ ᱟᱱᱟᱝ ᱢᱟᱦᱟᱫᱷᱤᱵᱮᱥᱚᱱ ᱨᱮᱭᱟᱜ ᱫᱚᱥᱟᱨ ᱢᱟᱦᱟ ᱨᱮ ᱦᱩᱭ ᱟᱠᱟᱱᱟ᱾
ᱵᱟᱟᱭ ᱛᱮᱭᱟᱜ ᱠᱟᱛᱷᱟ ᱑᱙᱘᱗ ᱨᱮ ᱯᱩᱭᱞᱩ ᱫᱟᱭ ᱥᱤᱵᱩ ᱥᱚᱨᱮᱱ ᱯᱟᱨᱥᱮᱫ ᱞᱮᱠᱟᱛᱮ ᱯᱟᱨᱴᱤ ᱨᱮᱭᱟᱜ ᱡᱤᱢᱢᱮᱵᱟᱨᱤ ᱧᱟᱢ ᱞᱮᱫ ᱛᱟᱦᱮᱱᱟ᱾ ᱟᱨ ᱚᱱᱟ ᱛᱟᱭᱚᱢ ᱓᱘ ᱥᱮᱨᱢᱟ ᱦᱟᱵᱤᱛ ᱛᱮ JMM ᱯᱟᱨᱴᱤ ᱨᱮ ᱫᱤᱥᱟᱹᱢ ᱯᱟᱨᱥᱮᱫ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱟ ᱥᱤᱵᱩ ᱥᱚᱨᱮᱱ᱾ ᱫᱤᱨᱜᱷᱚ ᱔ ᱫᱚᱥᱚᱠ ᱛᱟᱭᱚᱢ JMM ᱯᱟᱨᱴᱤ ᱨᱮ ᱦᱩᱫᱟᱹ ᱨᱮᱭᱟᱜ ᱯᱷᱮᱨ ᱵᱚᱫᱚᱞ ᱭᱮᱱᱟ᱾
ᱦᱮᱢᱚᱱᱛ ᱥᱚᱨᱮᱱ ( HEMANT SOREN) JMM ᱯᱟᱨᱴᱤ ᱨᱮᱱ ᱫᱤᱥᱚᱢ ᱯᱟᱨᱥᱮᱫ ᱵᱮᱱᱟᱶ ᱛᱟᱭᱚᱢ ᱜᱮ ᱦᱮᱢᱚᱱᱛ ᱮ ᱞᱟᱹᱭ ᱠᱮᱫᱟ ᱡᱮ ᱜᱩᱨᱩᱡᱤ ᱥᱤᱵᱩ ᱥᱚᱨᱮᱱ (SHIBU SOREN) JMM ᱫᱚ ᱯᱟᱨᱴᱤ ᱞᱮᱠᱟ ᱫᱚ ᱵᱟᱝ ᱵᱟᱞᱠᱤ ᱯᱟᱨᱴᱤ ᱫᱚ ᱢᱤᱫ ᱜᱟᱨᱚᱡ ᱞᱮᱠᱟ ᱜᱮ ᱥᱟᱢᱲᱟᱶ ᱟᱜᱩ ᱞᱮᱫ ᱛᱟᱦᱮᱱᱟ᱾
᱑᱕ ᱮᱯᱨᱤᱞ ᱡᱮ ᱮᱢ ᱮᱢ ᱯᱟᱨᱴᱤ ᱨᱮᱭᱟᱜ ᱑᱓ ᱟᱱᱟᱝ ᱠᱮᱱᱫᱨᱤᱭᱚ ᱢᱚᱦᱟᱫᱷᱤᱵᱮᱥᱚᱱ ᱨᱮᱭᱟᱜ ᱫᱚᱥᱟᱨ ᱢᱟᱦᱟ ᱛᱟᱦᱮ ᱠᱟᱱᱟ᱾ ᱵᱟᱨ ᱢᱟᱦᱟ ᱨᱮᱭᱟᱜ ᱢᱚᱦᱟᱫᱦᱤᱵᱮᱥᱚᱱ ᱨᱟᱱᱪᱤ ᱨᱮᱭᱟᱜ ᱠᱷᱮᱞᱜᱟᱶ ᱨᱮᱭᱟᱜ ᱦᱟᱨᱤ ᱵᱚᱝᱥᱚ ᱴᱟᱱᱟ ᱵᱷᱟᱜᱟᱛ ᱥᱴᱮᱰᱤᱭᱟᱢ ᱨᱮ ᱦᱩᱭ ᱞᱮᱱ ᱛᱟᱦᱮᱱᱟ᱾ ᱡᱮ ᱮᱢ ᱮᱢ ᱯᱟᱨᱴᱤ ᱨᱮᱭᱟᱜ ᱵᱟᱨ ᱢᱟᱦᱟ ᱞᱟᱹᱜᱤᱛ ᱥᱟᱯᱨᱟᱶ ᱞᱮᱱ ᱚᱱᱟ ᱢᱤᱫᱩᱱ ᱨᱮ ᱵᱤᱦᱟᱨ, ᱚᱨᱤᱥᱟ, ᱪᱚᱛᱛᱤᱥᱜᱚᱲ, ᱟᱥᱟᱢ,ᱜᱩᱡᱨᱟᱛ,ᱛᱟᱢᱤᱞᱱᱟᱰᱩ ᱩᱛᱛᱚᱨ ᱯᱨᱚᱫᱮᱥ ᱟᱨ ᱯᱚᱥᱪᱤᱢ ᱵᱟᱝᱞᱟ ᱨᱮᱱ ᱯᱨᱚᱛᱤᱱᱤᱫᱷᱤ ᱠᱚ ᱥᱮᱞᱮᱫ ᱞᱮᱱ ᱛᱟᱦᱮᱱᱟ᱾
