INDIA-PAKISTAN RELATIONS : ᱠᱟᱥᱢᱤᱨ ᱨᱮᱭᱟᱜ ᱮᱴᱠᱮᱴᱚᱲᱮ ᱞᱚᱜᱚᱱ ᱜᱮ ᱢᱮᱴᱟᱼᱟ, ᱵᱤᱫᱮᱥ ᱥᱚᱯᱷᱚᱨ ᱞᱚᱱᱰᱚᱱ ᱨᱮ ᱪᱟᱞᱟᱣ ᱠᱟᱛᱮᱡ ᱞᱟᱹᱭ ᱠᱮᱫᱟᱭ ᱡᱚᱭ ᱥᱚᱝᱠᱚᱨ

Last updated: March 6, 2025 4:24 pm

Papul Murmu 6 days ago

ᱥᱳᱥᱟᱞ ᱢᱮᱰᱤᱭᱟ ᱪᱤᱛᱟᱹᱨ

INDIA-PAKISTAN RELATIONS : ᱠᱟᱥᱢᱤᱨ ᱤᱫᱤ ᱠᱟᱛᱮᱡ ᱮᱴᱠᱮᱴᱚᱲᱮ ᱛᱤᱥ ᱪᱟᱵᱟᱼᱟ ᱞᱟᱹᱭ ᱠᱮᱫᱟᱭ ᱵᱷᱟᱨᱚᱛ ᱨᱮᱱ ᱵᱤᱫᱮᱥ ᱢᱚᱢᱛᱨᱤ ᱮᱥ ᱡᱚᱭᱥᱚᱝᱠᱚᱨ(S JAISHANKAR)| ᱡᱚᱭᱥᱚᱝᱠᱚᱨᱼᱟᱜ ᱫᱟᱵᱤ, ᱯᱟᱠᱤᱥᱛᱷᱟᱱ ᱠᱟᱥᱢᱤᱨ ᱨᱮᱭᱟᱜ ᱡᱟᱦᱟ ᱡᱟᱭᱜᱟ ᱠᱚ ᱫᱚᱠᱷᱚᱞ ᱟᱠᱟᱫ ᱚᱱᱟ ᱠᱚ ᱨᱩᱭᱟᱹᱨ ᱞᱮᱠᱷᱟᱱ ᱜᱮ ᱠᱟᱢᱤᱥ ᱤᱫᱤ ᱠᱟᱛᱮᱡ ᱥᱟᱱᱟᱢ ᱞᱮᱠᱟᱱ ᱮᱴᱠᱮᱴᱚᱲᱮ ᱪᱟᱵᱟᱼᱟ᱾
ᱠᱟᱥᱢᱤᱨ ᱨᱮᱭᱟᱜ ᱢᱤᱫ ᱢᱟᱨᱟᱝ ᱚᱝᱥᱚ ᱯᱟᱠᱤᱥᱛᱷᱟᱱ ᱵᱮᱼᱟᱭᱱᱤ ᱞᱮᱠᱟᱛᱮ ᱠᱚ ᱫᱚᱠᱷᱚᱞ ᱟᱠᱟᱫᱟ᱾ ᱵᱦᱟᱨᱟᱛ ᱨᱮᱱ ᱵᱤᱫᱮᱥ ᱢᱚᱱᱛᱨᱤ ᱼᱟᱜ ᱫᱟᱵᱤ ᱠᱮᱱᱫᱨᱚ ᱨᱮ ᱵᱤ ᱡᱮ ᱯᱤ ᱟᱜ ᱥᱚᱨᱠᱟᱨ ᱦᱮᱡ ᱛᱟᱭᱚᱢ ᱱᱟᱦᱟᱜ ᱚᱠᱛᱚ ᱨᱮ ᱠᱟᱥᱢᱤᱨ ᱤᱫᱤ ᱠᱟᱛᱮᱡ ᱟᱹᱰᱤ ᱜᱟᱱ ᱮᱴᱠᱮᱴᱚᱲᱮ ᱜᱮ ᱥᱚᱞᱦᱮ ᱟᱠᱟᱱᱟ᱾ ᱟᱨ ᱠᱟᱥᱢᱤᱨ ᱠᱷᱚᱱ ᱓᱗᱐ ᱫᱷᱟᱨᱟ ᱚᱪᱷᱚᱜ ᱜᱮ ᱚᱱᱟ ᱨᱮᱭᱟᱜ ᱯᱩᱭᱞᱩ ᱫᱷᱟᱯ ᱠᱟᱱᱟ᱾ ᱢᱮᱱᱠᱷᱟᱱ ᱱᱟᱦᱟᱜ ᱚᱠᱛᱚ ᱨᱮ ᱠᱟᱥᱢᱤᱨ ᱨᱮᱭᱟᱜ ᱩᱛᱱᱟᱣ, ᱠᱟᱹᱣᱰᱤᱟᱹᱨᱤ ᱠᱮᱴᱮᱡ ᱟᱨ ᱥᱚᱢᱟᱡ ᱨᱮ ᱱᱟᱯᱟᱭ ᱵᱮᱵᱚᱥᱛᱟ ᱨᱩᱭᱟᱹᱨ ᱟᱜᱩ ᱜᱮ ᱢᱟᱨᱟᱝ ᱴᱟᱨᱜᱮᱴ ᱠᱟᱱᱟ᱾ ᱱᱟᱦᱟ ᱚᱠᱛᱚ ᱠᱟᱥᱢᱤᱨ ᱨᱮ ᱮᱞᱮᱠᱥᱚᱱ ᱧᱩᱛᱩᱢ ᱛᱮ ᱯᱨᱚᱦᱚᱥᱚᱱ ᱪᱟᱞᱟᱜ ᱠᱟᱱ ᱛᱟᱦᱮᱱᱟ, ᱢᱮᱱᱠᱷᱟᱱ ᱱᱤᱛᱚᱜ ᱠᱟᱥᱢᱤᱨ ᱨᱮᱱ ᱦᱚᱲ ᱱᱟᱯᱟᱭ ᱛᱮ ᱵᱷᱳᱴ ᱠᱚ ᱮᱢ ᱫᱟᱲᱮᱭᱟᱜ ᱠᱟᱱᱟ ᱱᱚᱭᱟ ᱜᱮ ᱠᱟᱥᱢᱤᱨ ᱩᱛᱱᱟᱭ ᱨᱮᱭᱟᱜ ᱢᱟᱨᱟᱝ ᱩᱫᱷᱟᱨᱚᱱ ᱠᱟᱱᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ ᱵᱤᱫᱮᱥ ᱥᱚᱯᱷᱚᱨ ᱨᱮ ᱢᱮᱱᱟᱭᱼᱟ ᱵᱷᱟᱨᱟᱛ ᱨᱮ ᱱ ᱵᱤᱫᱮᱥ ᱢᱚᱱᱛᱨᱤ ᱮᱥ ᱡᱚᱭᱥᱚᱝᱠᱚᱨ (S JAISHANKAR)᱾ ᱞᱚᱱᱰᱚᱱ ᱨᱮᱭᱟᱜ ᱪᱟᱛᱷᱟᱢ ᱦᱟᱭᱚᱥ ᱨᱮ ᱯᱨᱮᱥ ᱢᱮᱰᱤᱭᱟ ᱠᱚᱣᱟᱜ ᱠᱩᱠᱞᱤ ᱨᱮ ᱠᱟᱥᱢᱤᱨ ᱨᱮᱭᱟᱜ ᱮᱴᱠᱮᱴᱚᱲᱮ ᱤᱫᱤ ᱠᱟᱛᱮᱡ ᱥᱚᱞᱦᱮ ᱨᱮᱭᱟᱜ ᱠᱟᱛᱷᱟ ᱦᱚᱭ ᱞᱟᱹᱭ ᱟᱠᱟᱫᱟ ᱡᱚᱭᱥᱚᱱᱝᱠᱚᱨ᱾ ᱩᱱᱤᱭᱟᱜ ᱞᱟᱹᱭ ᱵᱷᱟᱨᱚᱛ ᱛᱟᱱᱜᱤ ᱨᱮ ᱢᱮᱱᱟᱜ ᱠᱚᱣᱟ ᱠᱟᱥᱢᱤᱨ ᱨᱮᱭᱟᱜ ᱫᱚᱠᱷᱚᱱ ᱟᱠᱟᱱ ᱡᱟᱤᱜᱟ ᱨᱩᱭᱟᱹᱨ ᱧᱟᱢ ᱞᱟᱹᱜᱤᱛ ᱛᱮ᱾ ᱚᱱᱟ ᱴᱚᱛᱷᱟ ᱫᱚ ᱯᱟᱠᱤᱥᱛᱷᱟᱱ ᱵᱮᱼᱟᱭᱱᱤ ᱞᱮᱠᱟᱛᱮ ᱠᱚ ᱫᱚᱠᱷᱚᱞ ᱟᱠᱟᱫᱟ᱾ ᱡᱟᱦᱟ ᱚᱠᱛᱚ ᱵᱷᱟᱨᱚᱛ ᱟᱠᱩᱣᱟᱜ ᱠᱟᱥᱢᱤ ᱨᱮᱭᱟᱜ ᱫᱚᱠᱷᱚᱞ ᱟᱠᱟᱱ ᱡᱟᱭᱜᱟ ᱨᱩᱭᱟᱹᱨ ᱠᱚ ᱧᱟᱢᱼᱟ ᱚᱱ ᱡᱚᱠᱷᱚᱡ ᱜᱮ ᱠᱟᱥᱢᱤ ᱤᱫᱤ ᱠᱟᱛᱮᱡ ᱵᱷᱟᱨᱚᱛ ᱯᱟᱠᱤᱥᱛᱷᱟᱱ ᱢᱩᱫ ᱨᱮ ᱪᱟᱞᱟᱜ ᱠᱟᱱ ᱮᱯᱮᱨᱦᱮᱱᱰᱮᱡ ᱦᱚᱸ ᱪᱟᱵᱟᱼᱟ᱾
ᱥᱟᱹᱜᱩᱢ ᱢᱟᱦᱟ ᱦᱤᱞᱟᱹᱜ ᱞᱚᱱᱰᱚᱱ ᱨᱮᱭᱟᱜ ᱪᱟᱛᱷᱟᱢ ᱦᱟᱭᱚᱥ ᱨᱮ ᱡᱚᱭᱥᱚᱱᱝᱠᱚᱨᱼᱟᱜ ᱞᱟᱹᱭ ᱠᱟᱥᱢᱤᱨ ᱨᱮᱭᱟᱜ ᱮᱴᱠᱮᱴᱚᱲᱮ ᱪᱟᱵᱟ ᱞᱟᱹᱜᱤᱛ ᱛᱮ ᱵᱷᱟᱨᱚᱛ ᱥᱚᱨᱠᱟᱨ ᱟᱹᱰᱤ ᱜᱟᱱ ᱯᱟᱳᱲᱤ ᱦᱟᱛᱟᱣ ᱥᱟᱳᱛᱮ ᱚᱱᱰᱮᱱᱟᱜ ᱚᱨᱴᱷᱚᱱᱚᱤᱛᱤᱠ ᱟᱨ ᱥᱟᱢᱟᱡᱤᱠ ᱞᱟᱦᱟᱱᱛᱤ ᱨᱮᱦᱚ ᱡᱚᱨᱮ ᱮᱢ ᱟᱠᱟᱫᱟ ᱵᱷᱟᱨᱚᱛ ᱥᱚᱨᱠᱟᱨ᱾
ᱞᱚᱱᱰᱚᱱ ᱨᱮ ᱟᱢᱮᱨᱤᱠᱟ ᱥᱟᱣ ᱵᱷᱟᱨᱚᱛ ᱨᱮᱭᱟᱜ ᱥᱟᱹᱜᱟᱹᱭ ᱤᱫᱤ ᱠᱟᱛᱮᱡ ᱦᱚᱸ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱮᱥ ᱡᱚᱭᱥᱚᱱᱝᱠᱚᱨ᱾ ᱵᱟᱱᱟᱨ ᱫᱤᱥᱟᱹᱢ ᱢᱩᱫ ᱨᱮ ᱵᱮᱯᱟᱨᱼᱵᱟᱱᱤᱡ ᱤᱫᱤ ᱠᱟᱛᱮᱡ ᱦᱚᱸ ᱠᱷᱩᱞᱟᱹ ᱢᱚᱸᱱᱮ ᱛᱮ ᱜᱟᱯᱟᱞᱢᱟᱨᱟᱣ ᱦᱩᱭ ᱟᱠᱟᱱᱟ ᱢᱚᱱᱛᱮ ᱦᱚᱭ ᱞᱟᱹᱭ ᱟᱠᱟᱫᱟ|