JD VANCE’S INDIA VISIT : ᱵᱷᱟᱨᱚᱛ ᱥᱚᱯᱷᱚᱨ ᱨᱮᱭ ᱦᱟᱡᱩᱜ ᱠᱟᱱᱟ ᱢᱟᱨᱠᱤᱝ ᱵᱷᱟᱭᱮᱥ ᱯᱨᱮᱥᱤᱰᱮᱱᱴ ᱡᱮ ᱵᱷᱤ ᱵᱷᱟᱱᱥ (JD VANCE) ᱟᱨ ᱟᱡ ᱨᱮᱱ ᱚᱨᱟᱜ ᱮᱨᱟ ᱩᱥᱷᱟ ᱵᱷᱟᱱᱥ (USHA VANCE)| ᱫᱟᱨᱟᱭ ᱠᱟᱱ ᱦᱟᱯᱛᱟ ᱨᱮᱭᱟᱜ ᱯᱩᱭᱞᱩ ᱥᱮᱫ ᱜᱮ ᱵᱷᱟᱨᱚᱛ ᱠᱤᱱ ᱦᱮᱡ ᱫᱟᱲᱮᱼᱟᱜ᱾ ᱵᱷᱟᱨᱚᱴ ᱥᱚᱯᱷᱚᱨ ᱨᱮᱭᱟᱜ ᱱᱚᱣᱟ ᱚᱠᱛᱚ ᱨᱮᱜᱤ ᱵᱷᱟᱨᱚᱛ ᱨᱮᱱ ᱯᱨᱚᱫᱦᱟᱱ ᱢᱚᱱᱴᱨᱤ ᱱᱚᱨᱮᱱᱫᱨᱚ ᱢᱳᱫᱤ (NARENDRA MODI) ᱥᱟᱶᱛᱮ ᱦᱚᱸ ᱠᱤᱱ ᱧᱟᱯᱟᱢᱼᱟ ᱢᱮᱱᱛᱮ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱛᱚᱵᱮ ᱱᱤᱛ ᱦᱟᱵᱤᱛ ᱛᱮ ᱵᱷᱟᱱᱥ ᱚᱠᱟ ᱦᱤᱞᱟᱹᱜ ᱵᱷᱟᱨᱚᱛ ᱴᱮᱭ ᱦᱤᱡᱩᱜᱼᱟ ᱚᱱᱟ ᱨᱮᱭᱟᱜ ᱱᱮᱰᱟᱼᱜᱚᱴᱟ ᱫᱚ ᱱᱤᱛ ᱦᱟᱵᱤᱛ ᱛᱮ ᱵᱟᱝ ᱜᱮ ᱴᱷᱟᱶᱠᱟᱹ ᱜᱚᱴᱟ ᱟᱠᱟᱱᱟ᱾
ᱛᱚᱵᱮ ᱟᱢᱮᱨᱤᱠᱟᱱ ᱨᱮᱱ ᱵᱷᱟᱭᱤᱥ ᱯᱨᱮᱥᱤᱰᱮᱱᱴ ᱵᱷᱟᱱᱥ ᱟᱜ ᱫᱚᱯᱛᱚᱨ ᱯᱟᱥᱴᱟ ᱠᱷᱚᱱ ᱵᱟᱰᱟᱭ ᱧᱟᱢ ᱟᱠᱟᱱᱟ ᱡᱮ ᱫᱟᱨᱟᱭ ᱠᱟᱱ ᱑᱘ᱼ ᱒᱔ ᱮᱯᱨᱤᱞ ᱢᱩᱫ ᱨᱮᱜᱤ ᱤᱴᱟᱞᱤ ᱥᱟᱶᱛᱮ ᱵᱷᱟᱨᱚᱛ ᱥᱚᱯᱷᱚᱨ ᱢᱮᱱᱟᱜ ᱛᱟᱣᱟ ᱟᱢᱮᱨᱤᱠᱟ ᱨᱮᱱ ᱵᱷᱟᱭᱤᱥ ᱯᱨᱮᱥᱤᱰᱮᱱᱴᱼᱟᱜ᱾
ᱵᱷᱟᱨᱚᱛ ᱥᱚᱯᱷᱚᱨ ᱚᱠᱛᱮ ᱵᱷᱟᱱᱥ ᱟᱡ ᱥᱟᱶᱛᱮ ᱟᱡ ᱨᱮᱱ ᱚᱨᱟᱜ ᱮᱨᱟ ᱟᱨ ᱯᱮ ᱯᱮᱭᱟ ᱜᱤᱫᱨᱟᱹ ᱦᱚᱸ ᱵᱷᱟᱨᱚᱛ ᱠᱚ ᱦᱟᱡᱩᱠᱼᱟ᱾ ᱵᱷᱟᱨᱚᱛ ᱥᱚᱯᱷᱚᱨ ᱨᱮ ᱦᱮᱡ ᱠᱟᱛᱮᱡ ᱱᱟᱣᱟ ᱫᱤᱞᱞᱤ ᱥᱟᱶᱛᱮ ᱨᱟᱡᱟᱥᱛᱦᱟᱱ ᱨᱮᱭᱟᱜ ᱡᱚᱭᱯᱩᱨ ᱟᱨ ᱩᱛᱛᱚᱨ ᱯᱨᱚᱫᱮᱥ ᱨᱮᱭᱟᱜ ᱟᱜᱨᱟ ᱪᱟᱞᱟᱜ ᱨᱮᱭᱟᱜ ᱠᱟᱛᱷᱟ ᱢᱮᱱᱟᱜ ᱛᱟᱭᱟ ᱡᱮ ᱵᱷᱤ ᱵᱦᱟᱱᱥ ᱟᱜ᱾ ᱢᱳᱫᱤ ᱥᱟᱶᱛᱮ ᱵᱷᱟᱱᱥ ᱣᱟᱜ ᱵᱚᱭᱴᱷᱚᱠ ᱦᱩᱭᱩᱜᱼᱟ ᱥᱮ ᱵᱟᱝ ᱚᱱᱟ ᱫᱳ ᱱᱤᱛ ᱦᱟᱵᱤᱛ ᱛᱮ ᱥᱚᱨᱠᱟᱨᱤ ᱵᱷᱟᱵᱮ ᱵᱟᱝ ᱞᱟᱹᱭ ᱦᱩᱭ ᱟᱠᱟᱱᱟ᱾
ᱢᱮᱱᱠᱷᱟᱱ ᱥᱴᱨᱚ ᱞᱮᱠᱟᱛᱮ ᱵᱟᱰᱟᱭ ᱧᱟᱢᱚᱠ ᱠᱟᱱᱟ ᱡᱮ ᱫᱟᱨᱟᱭ ᱠᱟᱱ ᱒᱑ ᱮᱯᱨᱤᱞ ᱯᱨᱚᱫᱷᱟᱱ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ (NARENDRA MODI) ᱥᱟᱶᱛᱮ ᱵᱚᱭᱴᱷᱚᱠ ᱦᱩᱭ ᱫᱟᱲᱮᱼᱟ ᱟᱢᱮᱨᱤᱠᱟ ᱨᱮᱱ ᱵᱷᱟᱭᱤᱥ ᱯᱨᱮᱥᱤᱰᱮᱱᱴᱼᱟᱜ᱾ ᱵᱟᱨᱭᱟ ᱨᱟᱥᱴᱨᱚ ᱱᱮᱛᱟ ᱣᱟᱜ ᱵᱚᱭᱴᱷᱚᱠ ᱨᱮ ᱨᱟᱠᱟᱵ ᱫᱟᱲᱨᱮᱼᱟ ᱵᱷᱟᱨᱚᱛᱼ ᱟᱢᱮᱨᱤᱠᱟ ᱢᱩᱫ ᱨᱮ ᱥᱩᱞᱩᱜ ᱥᱟᱹᱜᱟᱹᱭ ᱟᱨ ᱥᱩᱞᱠᱚ ᱤᱫᱤ ᱠᱟᱛᱮᱡ ᱦᱚᱸ ᱜᱟᱯᱟᱞ ᱢᱟᱨᱟᱶ᱾
ᱵᱟᱱᱟᱨ ᱫᱤᱥᱟᱹᱢ ᱢᱩᱫ ᱨᱮ ᱵᱟᱱᱤᱡ ᱤᱫᱤ ᱠᱟᱛᱮᱡ ᱪᱩᱠᱛᱤ ᱟᱹᱰᱤ ᱞᱚᱜᱚᱱ ᱦᱩᱭ ᱞᱮᱱ ᱠᱷᱟᱡ ᱵᱟᱱᱟᱨ ᱫᱤᱥᱟᱹᱢ ᱞᱟᱹᱜᱤᱛ ᱟᱹᱰᱤ ᱱᱟᱯᱟᱭ ᱦᱩᱭᱩᱼᱟ᱾
