PAHALGAM ATTACK : AIMIM ᱱᱮᱛᱟ ᱟᱥᱫᱩᱫᱫᱤᱱ ᱣᱟᱭᱥᱤ (Asaduddin Owaisi) ᱟᱜ ᱥᱩᱨ ᱨᱮᱜᱤ ᱛᱟᱞᱮ ᱢᱮᱱᱟᱹᱶ ᱠᱮᱫᱟ ᱛᱮᱞᱟᱱᱜᱟᱱᱟ ᱨᱮᱱ ᱥᱤᱹᱨᱟ ᱢᱚᱱᱛᱨᱤ ᱨᱮᱷᱟᱱᱛ ᱨᱮᱰᱰᱤ (Revanth Reddy)| ᱠᱟᱥᱢᱤᱨ ᱨᱮᱭᱟᱜ ᱯᱮᱦᱮᱞᱜᱟᱢ ᱨᱮᱭᱟᱜ ᱜᱷᱚᱴᱚᱱ ᱤᱫᱤ ᱠᱟᱛᱮᱡ ᱨᱮ ᱨᱮᱵᱷᱟᱱᱛ ᱨᱮᱰᱰᱤ ᱟᱜ ᱞᱟᱹᱭ ᱯᱤ ᱳ ᱠᱮ ᱢᱚᱛᱚᱡ ᱫᱚ ᱵᱟᱝ ᱱᱤᱛ ᱫᱚ ᱚᱠᱛᱚ ᱦᱩᱭ ᱟᱠᱟᱱᱟ ᱜᱚᱴᱟ ᱠᱟᱥᱢᱤ ᱦᱟᱛᱟᱶ ᱨᱮᱭᱟᱜ᱾ ᱯᱟᱨᱚᱢᱮᱱ ᱒᱒ ᱮᱯᱨᱤᱞ ᱦᱤᱞᱟᱹᱜ ᱯᱮᱦᱮᱞᱜᱟᱢ ᱨᱮ ᱯᱚᱨᱡᱚᱴᱚᱠ ᱠᱚ ᱪᱮᱛᱟᱱ ᱨᱮ ᱟᱡᱠᱟ ᱜᱮ ᱜᱩᱞᱤ ᱠᱚ ᱪᱟᱞᱟᱶ ᱞᱮᱫ ᱛᱟᱦᱮᱱᱟ ᱯᱟᱠᱤᱥᱛᱷᱟ ᱯᱚᱱᱛᱷᱤ ᱞᱚᱞᱚ ᱦᱟᱛᱟᱝ ᱜᱤᱭᱟᱹ ᱠᱚ᱾ ᱟᱨ ᱚᱱᱟ ᱜᱷᱚᱴᱚᱱ ᱨᱮᱭᱟᱜ ᱯᱨᱚᱛᱤᱵᱟᱫ ᱱᱤᱛ ᱜᱚᱴᱟ ᱵᱷᱟᱨᱚᱛ ᱨᱮ ᱪᱟᱞᱟᱜ ᱠᱟᱱᱟ, ᱚᱱᱠᱟ ᱜᱮ ᱚᱱᱟ ᱜᱷᱚᱴᱚᱱ ᱨᱮᱭᱟᱜ ᱯᱨᱚᱛᱤᱵᱟᱫ ᱚᱠᱛᱚ ᱦᱟᱭᱫᱟᱵᱟᱫ ᱨᱮ ᱢᱳᱢᱵᱟᱛᱤ ᱢᱤᱪᱷᱤᱞ ᱠᱚ ᱠᱚᱨᱟᱶ ᱞᱮᱫ ᱛᱟᱦᱮᱱᱟ, ᱚᱱᱟ ᱨᱮ ᱥᱮᱴᱮᱨ ᱠᱤᱱ ᱛᱟᱦᱮᱱᱟ ᱠᱟᱱᱟ ᱛᱮᱞᱟᱝᱜᱟᱱᱟ ᱨᱮᱱ ᱥᱤᱨᱟᱹ ᱢᱚᱱᱛᱨᱤ ᱨᱮᱵᱷᱟᱱᱛ ᱨᱮᱰᱰᱤ (Revanth Reddy) ᱟᱨ ᱦᱟᱭᱫᱟᱵᱟᱫ ᱨᱮᱱ ᱥᱟᱝᱥᱚᱫ ᱟᱥᱟᱫᱩᱫᱫᱤᱱ ᱣᱟᱭᱥᱤ (Asaduddin Owaisi) ᱾
INDIA SUSPENDED INDUS WATER AGREEMENT WITH PAKISTAN AFTER PAHALGAM ATTACK : ᱠᱟᱥᱢᱤᱨ ᱨᱮ ᱡᱚᱝᱜᱤ ᱦᱟᱢᱞᱟ, ᱯᱟᱠᱤᱥᱛᱷᱟᱱ ᱥᱟᱶ ᱫᱟᱜ ᱪᱩᱠᱛᱤ ᱵᱟᱛᱤᱞ ᱠᱮᱫᱟ ᱵᱷᱟᱨᱚᱛ
ᱞᱚᱞᱚ ᱦᱟᱛᱟᱝ ᱠᱚᱣᱟᱜ ᱜᱩᱞᱤ ᱛᱮ ᱡᱤᱭᱤ ᱪᱟᱞᱟᱶ ᱟᱠᱟᱱ ᱒᱖ ᱜᱚᱴᱟᱝ ᱦᱚᱲ ᱠᱚᱭᱟᱜ ᱦᱟᱱᱟᱯᱩᱨᱤ ᱨᱮ ᱱᱟᱯᱟᱭ ᱛᱟᱦᱮᱱ ᱞᱟᱹᱜᱤᱛ ᱢᱳᱢᱵᱟᱛᱤ ᱢᱤᱪᱷᱤᱞ ᱠᱷᱚᱱ ᱜᱮ ᱨᱮᱵᱷᱟᱱᱛ ᱨᱮᱰᱰᱤ ᱟᱜ ᱞᱟᱹᱭ ᱠᱮᱫᱟ ᱵᱷᱟᱨᱚᱛ ᱨᱮᱱ ᱑᱔᱐ ᱠᱳᱴᱤ ᱫᱮᱥᱵᱟᱥᱤ ᱯᱨᱚᱫᱷᱟᱱ ᱢᱚᱱᱛᱨᱤ ᱢᱳᱫᱤ ᱥᱟᱶᱛᱮ ᱜᱤ ᱢᱮᱱᱟᱜ ᱠᱚᱣᱟ, ᱚᱠᱛᱚ ᱥᱮᱴᱮᱨ ᱟᱠᱟᱱᱟ ᱜᱚᱴᱟ ᱠᱟᱥᱢᱤᱨ ᱦᱟᱛᱟᱶ ᱨᱮᱭᱟᱜ᱾
ᱥᱟᱶᱛᱮ ᱯᱟᱠᱤᱥᱛᱷᱟᱱ ᱦᱩᱸᱠᱟᱨ ᱦᱚᱭ ᱮᱢᱟᱜ ᱠᱚᱣᱟ ᱑᱙᱖᱗ ᱥᱟᱞ ᱨᱮ ᱵᱷᱟᱨᱚᱛ ᱟᱨ ᱪᱤᱱ ᱢᱩᱫ ᱨᱮ ᱛᱟᱯᱟᱢ ᱦᱩᱭ ᱞᱮᱱ ᱛᱟᱦᱮᱱᱟ, ᱚᱱᱟ ᱨᱮᱭᱟᱜ ᱡᱚᱜᱜᱚ ᱡᱚᱵᱟᱵ ᱦᱚᱭ ᱮᱢ ᱞᱮᱫᱟ ᱵᱷᱟᱨᱚᱛ᱾ ᱚᱱᱟ ᱛᱟᱭᱚᱢ ᱑᱙᱗᱑ ᱨᱮᱦᱚᱸ ᱵᱷᱟᱨᱚᱛ ᱟᱨ ᱯᱟᱠᱤᱥᱛᱷᱟᱱ ᱢᱩᱫ ᱨᱮ ᱛᱟᱯᱟᱢ ᱦᱩᱭ ᱞᱮᱱ ᱠᱷᱟᱡ ᱚᱱᱟ ᱨᱮᱭᱟ ᱡᱚᱜᱜᱚ ᱡᱚᱵᱟᱵ ᱦᱚᱭ ᱮᱢ ᱞᱮᱫᱟ ᱵᱷᱟᱨᱚᱛ ᱨᱮᱱ ᱩᱱ ᱚᱠᱛᱚ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱤᱱᱫᱨᱟ ᱜᱟᱱᱫᱷᱤ (INDRA GANDHI) | ᱡᱚᱠᱷᱚᱱ ᱜᱮ ᱵᱷᱟᱨᱚᱛ ᱪᱮᱛᱟᱱ ᱵᱟᱦᱟᱨᱤ ᱥᱚᱠᱛᱤ ᱠᱚ ᱟᱠᱨᱚᱢᱚᱱ ᱞᱮᱠᱷᱟᱱ ᱚᱱᱟ ᱨᱮᱭᱟᱜ ᱩᱪᱤᱛ ᱡᱚᱵᱟᱵ ᱮ ᱮᱢ ᱟᱠᱟᱫᱟ ᱵᱷᱟᱨᱚᱛ ᱦᱚᱸ᱾
ᱫᱷᱟᱹᱨᱛᱤ ᱨᱮᱭᱟᱜ ᱑᱐᱐ ᱥᱟᱭ ᱠᱷᱚᱱ ᱦᱚᱸ ᱵᱟᱲᱛᱤ ᱫᱤᱥᱟᱹᱢ ᱱᱟᱦᱟᱜ ᱚᱠᱛᱚ ᱨᱮ ᱥᱚᱱᱛᱟᱥᱵᱟᱫ ᱠᱷᱤᱞᱟᱵᱽ ᱠᱚ ᱞᱟᱲᱦᱟᱹᱭ ᱠᱟᱱᱟ, ᱟᱨ ᱢᱤᱫ ᱯᱟᱥᱴᱟ ᱮᱴᱟᱜ ᱥᱮᱫ ᱯᱟᱠᱤᱥᱛᱷᱟᱱ ᱮᱠᱞᱟ ᱜᱮ ᱥᱚᱱᱛᱟᱥᱵᱟᱫ ᱵᱟᱲᱛᱤ ᱨᱮᱭ ᱠᱩᱨᱩᱢᱩᱴᱩ ᱟᱠᱟᱫᱟ᱾ ᱫᱷᱟᱹᱨᱛᱤ ᱨᱮᱭᱟᱜ ᱡᱟᱦᱟ ᱨᱮᱜᱤ ᱴᱮᱨᱚᱨ ᱮᱴᱟᱠ ᱦᱚᱭ ᱠᱟᱱ ᱠᱷᱟᱡ ᱚᱱᱟ ᱨᱮ ᱯᱟᱠᱤᱥᱛᱷᱟᱱ ᱡᱚᱜ ᱡᱟᱢᱚᱜ ᱠᱟᱱᱟ᱾
