TRAGIC DEATH! ENGINEER DIES : ᱴᱨᱮᱱ ᱟᱨ ᱦᱟᱹᱛᱤ ᱟᱜ ᱥᱟᱢᱟᱝ ᱫᱟᱯᱨᱟᱢ ᱴᱮᱠᱟᱣ ᱫᱟᱨᱟᱢ ᱞᱟᱹᱜᱤᱫ ᱮᱭᱦᱚᱵᱚᱜ ᱦᱳᱭᱳᱜᱼᱟ ᱱᱟᱣᱟ ᱴᱮᱠᱱᱳᱞᱳᱡᱤ ᱨᱮᱭᱟᱜ ᱰᱤᱵᱷᱟᱭᱤᱥ ᱾ ᱚᱱᱟ ᱮᱛᱚᱦᱚᱵ ᱞᱟᱹᱜᱤᱫ ᱛᱮ ᱚᱱᱟ ᱢᱟᱲᱟᱝ ᱱᱟᱯᱟᱭ ᱥᱟᱦᱤᱡ ᱵᱤᱰᱟᱹᱣ ᱠᱟᱛᱮ ᱧᱮᱧ ᱞᱟᱠᱛᱤ ᱠᱟᱱᱟ᱾ ᱟᱨ ᱚᱱᱟ ᱵᱤᱰᱟᱹᱣ ᱧᱮᱞ ᱞᱟᱹᱜᱤᱫ ᱥᱮᱴᱮᱨ ᱞᱮᱱᱟᱭ ᱩᱛᱛᱚᱨ ᱯᱩᱨᱵᱚ ᱨᱮᱞᱨᱮᱱ ᱡᱮᱱᱟᱨᱮᱞ ᱢᱮᱱᱮᱡᱟᱨ ᱪᱮᱛᱚᱱ ᱠᱩᱢᱟᱨ ᱥᱨᱤᱵᱟᱥᱛᱚᱵ (CHETAN KUMAR SRIVASTAVA) ᱨᱮᱞ ᱨᱮᱱ ᱦᱩᱰᱤᱧ ᱠᱟᱹᱢᱤᱭᱟᱹ ᱠᱳᱢᱯᱟᱱᱤ ᱵᱤᱴᱠᱚᱱ ᱴᱮᱠᱱᱳᱞᱳᱡᱤ ᱨᱮᱱ ᱠᱟᱹᱢᱤᱭᱟᱹ ᱱᱚᱭᱰᱟ ᱨᱮᱱ ᱜᱤᱨᱟᱹᱵᱟᱥᱤ ᱥᱚᱱᱫᱤᱯ ᱪᱳ.ᱫᱷᱳᱨᱤ (SANDIP CHOWDHURY)᱾ᱩᱱᱤ ᱦᱚ ᱨᱮᱞᱮᱨ ᱡᱮᱱᱟᱨᱮᱞ ᱢᱮᱱᱮᱡᱟᱨ ᱥᱟᱣ ᱟᱰᱤ ᱥᱩᱯᱩᱨ ᱥᱟᱹᱜᱟᱹᱭ ᱛᱟᱦᱮ ᱞᱮᱱᱛᱮ ᱰᱤᱵᱷᱟᱭᱤᱥ ᱨᱮᱭᱟᱜ ᱠᱟᱢᱤ ᱞᱟᱜᱤᱫᱮ ᱪᱟᱞᱟᱣ ᱮᱱᱟ, ᱢᱮᱱᱠᱷᱟᱱ ᱚᱰᱮᱜᱮ ᱜᱷᱚᱴᱟᱣ ᱮᱱᱟ ᱵᱚᱛᱚᱨᱟᱱ ᱜᱷᱚᱴᱚᱱ᱾
ᱦᱟᱛᱤ ᱥᱟᱞᱟᱜ ᱨᱮᱞ ᱨᱮᱭᱟᱜ ᱥᱟᱢᱟᱝ ᱫᱟᱯᱨᱟᱢ ᱴᱮᱠᱟᱣ ᱜᱟᱱᱳᱜᱼᱟ ᱪᱮᱛ ᱞᱮᱠᱟᱨᱮ ᱚᱱᱟ ᱧᱮᱞ ᱞᱟᱜᱤᱫ ᱵᱚᱠᱥᱟ ᱵᱟᱹᱠᱜᱷᱚ ᱯᱨᱚ ᱠᱚᱞᱯᱚ ᱫᱚᱢᱚᱱᱯᱩᱨ ᱨᱮᱱᱡ ᱨᱮᱱ ᱟᱥᱩᱞ ᱦᱟᱛᱤ ᱡᱳᱱᱟᱠᱤ ᱥᱟᱣ ᱥᱮᱴᱮᱨ ᱛᱟᱦᱮ ᱠᱟᱱᱟᱭ ᱦᱟᱛᱤ ᱢᱟᱦᱩᱛ ᱾ ᱢᱮᱱᱠᱷᱟᱱ ᱟᱪᱠᱟᱜᱮ ᱢᱤᱫᱴᱟᱝ ᱴᱨᱮᱱ ᱦᱮᱪ ᱮᱱᱠᱷᱟᱱ ᱡᱚᱛᱚᱠᱚ ᱥᱟᱦᱟᱭᱮᱱᱟ᱾
ᱡᱚᱛᱚᱠᱚ ᱥᱟᱦᱟᱭᱮᱱ ᱨᱮᱦᱚᱸ ᱵᱟᱭ ᱥᱟᱦᱟ ᱫᱟᱲᱮᱭᱟᱫᱟ ᱥᱚᱱᱫᱤᱯ ᱪᱳᱹᱫᱷᱳᱨᱤ(SANDIP CHOWDHURY) ᱾ᱟᱪᱠᱟᱜᱮ ᱚᱛᱨᱮᱭ ᱧᱩᱨ ᱮᱱᱟ, ᱟᱨ ᱦᱟᱱᱛᱮ ᱤᱱᱟᱹ ᱚᱠᱛᱮᱜᱮ ᱡᱳᱱᱟᱠᱤ ᱫᱚ ᱴᱨᱮᱱ ᱥᱟᱰᱮ ᱟᱡᱚᱢ ᱛᱮ ᱟᱰᱤᱛᱮᱫ ᱜᱮᱭ ᱵᱚᱛᱚᱨ ᱮᱱᱟ ᱟᱨ ᱚᱰᱮ ᱠᱷᱚᱱᱮ ᱥᱟᱟᱦᱟᱭᱮᱱᱟ᱾ ᱚ ᱱᱟ ᱚᱠᱛᱮ ᱨᱮᱜᱮ ᱧᱩᱨ ᱟᱠᱟᱱ ᱥᱚᱱᱫᱤᱯ ᱪᱮᱛᱟᱱ ᱨᱮᱜᱮ ᱡᱳᱱᱟᱠᱤ ᱟᱜ ᱢᱤᱫᱴᱟᱝ ᱡᱟᱜᱟ ᱫᱚ ᱯᱟᱲᱟᱣ ᱮᱱᱟ᱾ᱥᱟᱣ ᱥᱟᱣᱛᱮ ᱟᱰᱤᱛᱮᱫ ᱜᱮᱭ ᱜᱷᱟᱹᱞ ᱮᱱᱟ, ᱚᱱᱠᱟᱱ ᱚᱠᱛᱮ ᱨᱮᱜᱮ ᱦᱟᱥᱯᱟᱛᱟᱞ ᱠᱚ ᱤᱫᱤ ᱠᱮᱫᱮᱭᱟ ᱰᱟᱠᱛᱟᱨ ᱫᱚ ᱡᱮᱣᱮᱫ ᱵᱟᱱᱩᱜ ᱜᱮᱭᱟ ᱢᱮᱱᱛᱮ ᱠᱚ ᱞᱟᱹᱭ ᱥᱚᱫᱚᱨ ᱠᱮᱫᱟ ᱾
ᱱᱚᱝᱠᱟᱱ ᱜᱷᱚᱴᱚᱱ ᱛᱮ ᱡᱚᱛᱚ ᱜᱮᱠᱳ ᱫᱩᱠ ᱮᱱᱟ ᱾ᱟᱠᱳ ᱨᱮᱞ ᱠᱟᱹᱢᱤᱭᱟᱹ ᱠᱚ ᱛᱟᱞᱟᱨᱮ ᱟᱰᱤ ᱫᱩᱠ ᱢᱩᱦᱤᱢ ᱜᱮᱠᱳ ᱟᱹᱭᱠᱟ.ᱣ ᱠᱮᱫᱟ
ᱟ.ᱰᱤ ᱫᱤᱱ ᱠᱷᱚᱱᱜᱮ ᱠᱚ ᱪᱷᱩᱴᱟᱹᱣ ᱞᱮᱱᱟ ᱴᱨᱮᱱ ᱥᱟᱣ ᱛᱟᱯᱤᱧ ᱠᱟᱛᱮ ᱢᱤᱫᱴᱟᱝ ᱦᱚᱸ ᱵᱤᱨ ᱡᱤᱭᱟᱹᱞᱤ ᱟᱜ ᱡᱤᱣᱤ ᱟᱞᱳ ᱪᱟᱞᱟᱜ ᱢᱟ ᱢᱮᱱᱛᱮ ᱾ᱡᱟᱥᱛᱤ ᱠᱟᱭᱛᱮ ᱴᱨᱮᱱ ᱥᱟᱞᱟᱜ ᱦᱟᱛᱤ ᱟᱞᱳᱠᱚ ᱛᱟᱯᱤᱧᱚᱜ ᱢᱟ ᱱᱚᱣᱟ ᱤᱫᱤ ᱠᱟᱛᱮ ᱨᱮᱞᱼᱳᱭᱮ ᱫᱚ ᱟᱰᱤ ᱛᱮᱫᱜᱮᱭ ᱨᱤᱦᱤᱴ ᱞᱮᱫᱟ᱾ ᱨᱮᱞᱼᱳᱭᱮ ᱢᱩᱫᱽᱨᱮ ᱢᱮᱱᱟᱜ ᱡᱟᱦᱟ ᱛᱤᱱᱟᱹᱜ ᱠᱳᱢᱯᱟᱱᱤ ᱟᱰᱤᱜᱟᱱ ᱱᱟᱣᱟ ᱱᱟᱣᱟ ᱡᱚᱱᱛᱨᱚ ᱠᱚ ᱛᱮᱭᱟᱨ ᱞᱮᱫᱟ᱾ ᱡᱟᱦᱟᱛᱮ ᱱᱚᱝᱠᱟᱱ ᱜᱷᱚᱴᱚᱱ ᱠᱚᱨᱮ ᱦᱟᱛᱤ ᱟᱜ ᱡᱤᱣᱤ ᱵᱟᱝ ᱪᱟᱞᱟᱜᱼᱟ ᱢᱮᱱᱛᱮ ᱨᱮᱞ ᱠᱟᱹᱢᱤᱭᱟᱹ ᱠᱚᱣᱟᱜ ᱟᱥᱟ᱾
ᱛᱮᱦᱮᱧ ᱟᱞᱤᱯᱩᱨᱫᱩᱭᱟᱨ ᱡᱚᱝᱥᱚᱱ ᱴᱮᱥᱚᱱ ᱨᱮ ᱩᱛᱛᱚᱨ ᱯᱩᱨᱵᱚ ᱥᱤᱢᱟᱹ ᱨᱮᱞᱼᱳᱭᱮ ᱡᱮᱱᱟᱨᱮᱞ ᱢᱮᱱᱮᱡᱟᱨ ᱪᱮᱛᱚᱱ ᱠᱩᱢᱟᱨ ᱥᱨᱤᱵᱟᱥᱛᱚᱵ ᱱᱚᱣᱟ ᱡᱚᱱᱛᱨᱚ ᱧᱮᱞ ᱵᱤᱰᱟᱹᱣ ᱞᱮᱫᱟ᱾ᱞᱟᱦᱟ ᱨᱮᱜᱮ ᱵᱟᱰᱟᱭ ᱧᱟᱢ ᱞᱮᱱᱟ,_ᱧᱩᱛᱩᱢᱟᱱ ᱢᱤᱫᱴᱟᱝ ᱰᱤᱵᱷᱟᱭᱤᱥ ᱛᱮ ᱠᱟᱢᱤ ᱦᱳᱭᱳᱜᱼᱟ ᱾ᱡᱮᱱᱟᱨᱮᱞ ᱢᱮᱱᱮᱡᱟᱨ ᱟᱨᱦᱚᱭ ᱞᱟᱹᱭ ᱠᱮᱫᱟ,ᱵᱟᱨ ᱥᱮᱨᱢᱟ ᱞᱟᱦᱟ ᱱᱚᱣᱟ ᱰᱤᱵᱷᱟᱭᱤᱥ ᱛᱮ ᱠᱟᱢᱤ ᱦᱳᱭ ᱟᱠᱟᱱᱟ ᱟᱨ ᱚᱨᱡᱚ ᱦᱚ ᱧᱟᱢ ᱟᱠᱟᱱᱟ ᱾ᱨᱮᱞ ᱦᱚᱛᱮᱛᱮ ᱩᱛᱛᱚᱨᱼ ᱯᱩᱨᱵᱚ ᱥᱤᱢᱟᱹ ᱨᱮᱞᱟᱜ ᱑᱓᱐ᱼ᱑᱕᱐ ᱠᱤᱞᱳᱢᱤᱴᱟᱨ ᱵᱤᱨ ᱢᱮᱱᱟᱜ ᱱᱚᱝᱠᱟᱱᱟᱜ ᱨᱮᱞ ᱰᱟᱦᱟᱨ ᱨᱮ ᱱᱚᱣᱟ ᱥᱤᱥᱴᱮᱢ ᱫᱚᱭ ᱠᱟᱢᱤᱭᱟ ᱾ᱱᱚᱣᱟ ᱠᱷᱟᱛᱤᱨ ᱨᱮᱞ ᱢᱚᱱᱛᱨᱤ ᱠᱟᱣᱰᱤ ᱫᱚᱭ ᱵᱚᱨᱟᱛ ᱟᱠᱟᱫᱟ᱾
ᱱᱚᱣᱟ ᱥᱤᱥᱴᱮᱢ ᱨᱮ ᱱᱟᱯᱟᱭ ᱚᱨᱡᱚ ᱧᱟᱢ ᱞᱮᱱᱠᱷᱟᱱ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱟᱰᱤᱜᱟᱱ ᱯᱚᱱᱚᱛ ᱨᱮ,ᱡᱟᱦᱟᱨᱮ ᱵᱤᱨᱛᱟᱞᱟᱨᱮ ᱨᱮᱞᱰᱟᱦᱟᱨ ᱪᱟᱞᱟᱣ ᱟᱠᱟᱱᱟ ᱚᱱᱟᱠᱚᱨᱮ ᱦᱚ ᱱᱚᱣᱟ ᱥᱤᱥᱴᱮᱢ ᱵᱮᱵᱷᱟᱨ ᱜᱟᱱᱳᱜᱼᱟ ᱟᱰᱤ ᱩᱥᱟᱹᱨᱟᱜᱮ ᱱᱚᱣᱟ ᱠᱚ ᱤᱫᱤ ᱠᱟᱛᱮ ᱞᱟᱦᱟᱱᱛᱤ ᱦᱳᱭᱳᱜᱼᱟ ᱾ᱨᱮᱞ ᱨᱮᱱ ᱢᱮᱱᱮᱡᱟᱨ ᱟᱜ ᱫᱟᱹᱵᱤ ᱱᱚᱣᱟ ᱯᱨᱚᱠᱚᱞᱯᱚ ᱫᱚ ᱖ ᱠᱷᱚᱱ ᱑ ᱥᱮᱨᱢᱟ ᱛᱮ ᱠᱟᱹᱢᱤ ᱯᱩᱨᱟᱹᱣᱟᱹᱜᱼᱟ᱾ ᱴᱮᱠᱟᱣ ᱫᱟᱨᱟᱢ ᱜᱟᱱᱚᱜ-ᱟ ᱦᱟᱹᱛᱤ ᱟᱜ ᱡᱤᱣᱤ ᱱᱟᱥᱟᱣ ᱾ ᱢᱮᱱᱠᱷᱟᱱ ᱦᱟᱹᱛᱤ ᱡᱤᱣᱤ ᱴᱮᱠᱟᱣ ᱫᱟᱨᱟᱢ ᱠᱟᱹᱢᱤ ᱪᱟᱞᱟᱣ ᱠᱟᱛᱮ ᱡᱤᱣᱤ ᱪᱟᱞᱟᱣ ᱮᱱᱟ ᱢᱟᱱᱢᱤ ᱟᱜ ᱾
