( PAPUL MURMU ) S JAISHANKAR : ᱪᱟᱞᱟᱜ ᱠᱟᱱᱟ ᱥᱤᱛᱠᱟᱞᱤᱱ ᱚᱫᱷᱤᱵᱮᱥᱚᱱ, ᱥᱚᱝᱥᱚᱫᱽ ᱨᱮ ᱨᱟᱠᱟᱵ ᱮᱱᱟ ᱟᱨᱦᱚᱸ ᱵᱟᱝᱞᱟᱫᱮᱹᱥ ᱯᱨᱚᱥᱚᱝᱜᱚ ᱾ ᱵᱟᱝᱞᱟᱫᱮᱹᱥ ᱨᱮ ᱥᱚᱝᱠᱷᱟᱞᱚᱜᱷᱩ ᱱᱤᱨᱡᱟᱛᱚᱱ ᱤᱫᱤ ᱠᱟᱛᱮᱫ ᱥᱚᱝᱥᱚᱫᱽ ᱨᱮ ᱠᱟᱛᱟᱷᱭ ᱞᱟᱹᱭ ᱠᱮᱫᱟ ᱵᱷᱟᱨᱚᱛ ᱨᱮᱱ ᱵᱤᱫᱮᱹᱥ ᱢᱚᱱᱛᱨᱤ ᱮᱥ. ᱡᱚᱭᱥᱚᱝᱠᱚᱨ ᱾ ᱵᱟᱝᱞᱟᱫᱮᱹᱥ ᱨᱮ ᱚᱱᱛᱚᱨᱵᱚᱨᱛᱤ ᱥᱚᱨᱠᱟᱨ ᱱᱤᱡᱟᱹᱨ ᱥᱟᱨᱛᱷᱚ ᱨᱚᱠᱠᱷᱟ ᱞᱟᱹᱜᱤᱫ ᱥᱚᱝᱠᱷᱟᱞᱚᱜᱷᱩ ᱱᱤᱨᱟᱯᱚᱛᱛᱟ ᱮᱢ ᱛᱮᱭ ᱵᱟᱫᱽᱫᱷᱚᱼᱟ ᱢᱮᱱ ᱛᱮᱭ ᱞᱟᱹᱭ ᱠᱮᱫᱟ ᱮᱥ. ᱡᱚᱭᱥᱚᱝᱠᱚᱨ᱾ ᱥᱚᱝᱥᱚᱫᱽ ᱨᱮ ᱥᱚᱱᱛᱨᱟᱥᱵᱟᱫᱽ ᱤᱫᱤ ᱠᱟᱛᱮᱫ ᱯᱟᱠᱤᱥᱛᱷᱟᱱ ᱪᱮᱛᱟᱱ ᱠᱟᱛᱷᱟ ᱦᱚᱭ ᱛᱮᱨᱟᱝ ᱠᱮᱫᱟ ᱵᱤᱫᱮᱹᱥ ᱢᱚᱱᱛᱨᱤ᱾
ᱡᱚᱭᱥᱚᱝᱠᱚᱨᱟᱜ ᱞᱟᱹᱭ, ᱥᱚᱝᱠᱷᱟᱞᱚᱜᱷᱩ ᱱᱤᱨᱡᱟᱛᱚᱱ ᱤᱫᱤ ᱠᱟᱛᱮᱫ ᱵᱟᱝᱞᱟᱫᱮᱹᱥ ᱥᱚᱨᱠᱟᱨᱟᱜ ᱫᱨᱤᱥᱴᱤ ᱟᱠᱚᱨᱥᱚᱱ ᱦᱩᱭ ᱟᱠᱟᱱᱟ᱾ ᱵᱷᱟᱨᱚᱛ ᱥᱟᱶᱛᱮ ᱵᱟᱝᱞᱟᱫᱮᱹᱥ ᱨᱮᱭᱟᱜ ᱥᱟᱹᱜᱟᱹᱭ ᱨᱟᱹᱯᱩᱫ ᱪᱟᱵᱟ ᱟᱠᱟᱱᱟ, ᱟᱨ ᱵᱟᱱᱟᱨ ᱫᱤᱥᱚᱢ ᱤᱫᱤ ᱠᱟᱛᱮᱫ ᱱᱚᱣᱟ ᱚᱵᱚᱥᱛᱷᱟ ᱟᱹᱰᱤ ᱞᱚᱜᱚᱱ ᱱᱟᱯᱟᱭ ᱨᱩᱣᱟᱹᱲᱟ ᱢᱮᱱᱛᱮ ᱟᱥᱟᱭ ᱫᱚᱦᱚ ᱠᱮᱫᱟ ᱡᱚᱭᱥᱚᱝᱠᱚᱨ᱾
ᱱᱚᱣᱟ ᱞᱟᱦᱟ ᱵᱟᱝᱞᱟᱫᱮᱹᱥ ᱥᱟᱶ ᱢᱮᱥᱟ ᱠᱟᱛᱮᱫ ᱵᱷᱟᱨᱚᱛ ᱟᱹᱰᱤ ᱜᱟᱱ ᱩᱛᱱᱟᱹᱣ ᱟᱠᱟᱱ ᱠᱟᱹᱢᱤ ᱠᱚ ᱦᱩᱭ ᱟᱠᱟᱱᱟ ᱢᱮᱱᱛᱮᱭ ᱞᱟᱹᱭ ᱠᱮᱫᱟ ᱡᱚᱭᱥᱚᱝᱠᱚᱨ᱾
ᱦᱟᱥᱤᱱᱟ ᱵᱟᱝᱞᱟᱫᱮᱹᱥ ᱵᱟᱹᱜᱤ ᱛᱟᱭᱚᱢ ᱜᱮ ᱥᱚᱝᱠᱷᱟᱞᱚᱜᱷᱩ ᱱᱤᱨᱡᱟᱛᱚᱱ ᱤᱫᱤ ᱠᱟᱛᱮᱫ ᱘᱘ ᱜᱚᱴᱟᱝ ᱜᱷᱚᱴᱚᱱ ᱦᱩᱭ ᱟᱠᱟᱱᱟ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱟ ᱵᱟᱝᱞᱟᱫᱮᱹᱥ ᱥᱚᱨᱠᱟᱨ᱾ ᱟᱨ ᱗᱐ ᱡᱚᱱ ᱜᱨᱮᱹᱯᱷᱛᱟᱨ ᱦᱚᱸ ᱦᱩᱭ ᱟᱠᱟᱱᱟ ᱢᱮᱱᱛᱮᱭ ᱞᱟᱹᱭ ᱠᱮᱫᱟ ᱢᱚᱦᱚᱢᱢᱚᱫᱽ ᱤᱭᱩᱭᱱᱩᱥ ᱨᱮᱱ ᱯᱨᱮᱹᱥ ᱥᱚᱪᱤᱵᱽ ᱥᱳᱯᱷᱤᱠᱩᱞ ᱟᱞᱚᱢ᱾
