AFGHANISTAN VS ENGLAND : ᱪᱟᱞᱟᱜ ᱠᱟᱱ ICC CHAMPIONS TROPHY 2025 ᱨᱮᱭᱟᱜ ᱠᱤᱞᱟᱹᱱᱰ ᱨᱮ ᱢᱤᱫ ᱠᱷᱚᱡ ᱢᱤᱫ ᱨᱮᱠᱚᱨᱰ ᱠᱚ ᱵᱮᱱᱟᱣ ᱠᱮᱫᱟ ᱟᱯᱜᱟᱱᱤᱥᱛᱷᱟᱱ᱾ ᱥᱟᱹᱜᱩᱱ ᱢᱟᱦᱟ ᱦᱤᱞᱟᱹᱜ ᱤᱝᱞᱟᱱᱰ ᱦᱟᱨᱟᱣ ᱠᱟᱛᱮᱡ ᱡᱤᱛᱠᱟᱹᱨ ᱠᱚ ᱦᱟᱥᱤᱞ ᱠᱮᱫᱟ ᱟᱯᱜᱟᱱ ᱠᱚ᱾ᱪᱟᱢᱯᱯᱤᱭᱚᱱᱥ ᱴᱨᱚᱯᱷᱤ ᱨᱮᱭᱟᱜ ᱯᱩᱭᱞᱩ ᱢᱮᱪᱷ ᱨᱮ ᱫᱚᱠᱠᱷᱤᱱ ᱟᱯᱨᱤᱠᱟ ᱴᱷᱮᱱ ᱠᱚ ᱦᱟᱨᱟᱣ ᱚᱪᱚ ᱞᱮᱱ ᱛᱟᱦᱮᱱᱟ ᱟᱯᱜᱟᱱᱤᱥᱛᱷᱟᱱ᱾ ᱢᱮᱱᱠᱷᱟᱱ ᱤᱝᱞᱟᱱᱰ ᱵᱤᱨᱩᱫᱽ ᱨᱮ ᱠᱤᱞᱟᱹᱱᱰ ᱨᱮᱭᱟᱜ ᱫᱚᱥᱟᱨ ᱢᱮᱪᱷ ᱨᱮᱜᱤ ᱡᱤᱛᱠᱟᱹ ᱠᱟᱛᱮᱡ ᱠᱟᱢᱵᱮᱠ ᱠᱮᱫᱟ ᱠᱚ ᱟᱯᱜᱟᱱᱤᱥᱛᱷᱟᱱ᱾ ᱠᱤᱞᱟᱹᱱᱰ ᱨᱮᱭᱟᱜ ᱨᱮᱭᱟᱜ ᱯᱩᱭᱞᱩ ᱨᱮᱜᱤ ᱵᱮᱴᱤᱱᱝ ᱦᱟᱴᱟᱣ ᱠᱟᱛᱮᱡ ᱕᱐ ᱚᱵᱷᱟᱨ ᱨᱮ ᱓᱒᱕ ᱨᱟᱱ ᱠᱚ ᱵᱮᱱᱟᱶ ᱞᱮᱫᱟ ᱟᱯᱜᱟᱱᱤᱥᱛᱷᱟᱱ᱾ ᱟᱨ ᱤᱝᱞᱟᱱᱰ ᱵᱮᱴᱤᱱᱝ ᱞᱟᱹᱜᱤᱛ ᱠᱤᱞᱟᱹᱱᱰ ᱨᱮᱠᱚ ᱯᱷᱮᱰ ᱞᱮᱱ ᱠᱷᱟᱡ ᱔᱕ᱹ᱕ ᱚᱵᱷᱟᱨ ᱨᱮ ᱚᱞ ᱩᱭᱠᱮᱴ ᱰᱟᱭᱚᱱ ᱠᱟᱛᱮᱡ ᱓᱑᱗ ᱨᱟᱱ ᱨᱮᱠᱤ ᱜᱟᱛᱮ ᱪᱟᱱᱟ ᱞᱮᱱ ᱛᱟᱦᱮᱱᱟ᱾ ᱠᱤᱞᱟᱹᱱᱰ ᱨᱮ ᱢᱚᱴᱷᱮ ᱘ ᱨᱟᱱ ᱛᱮ ᱪᱟᱢᱯᱯᱤᱭᱚᱱᱥ ᱴᱨᱚᱯᱷᱤ ᱠᱷᱚᱱ ᱵᱤᱫᱟᱹᱭ ᱠᱚ ᱦᱟᱛᱟᱣ ᱠᱮᱫᱟ ᱤᱝᱞᱟᱱᱰ ᱟᱨ ᱡᱤᱛᱠᱟᱹᱨ ᱠᱟᱛᱮᱡ ᱥᱮᱢᱤ ᱯᱷᱟᱭᱱᱟᱞ ᱨᱮ ᱫᱟᱳ ᱠᱚ ᱧᱟᱢ ᱠᱮᱫᱟ ᱟᱯᱜᱟᱱᱤᱛᱷᱟᱱ᱾
ᱥᱟᱹᱜᱩᱱ ᱢᱟᱦᱟ ᱦᱤᱞᱟᱹᱜ ᱟᱯᱜᱟᱱᱤᱥᱛᱷᱟᱱ ᱤᱝᱞᱟᱱᱰ ᱢᱮᱪᱷ ᱨᱮᱭᱟᱜ ᱠᱤᱞᱟᱹᱱᱰ ᱛᱟᱞᱟ ᱛᱮ ᱢᱤᱫ ᱚᱱᱵᱚᱫᱫᱚ ᱞᱟᱹᱲᱦᱟᱣ ᱨᱮᱭᱟᱜ ᱥᱟᱠᱠᱷᱤ ᱛᱟᱦᱮ ᱮᱱᱟ ᱞᱟᱦᱚᱨ ᱨᱮᱭᱟᱜ ᱜᱚᱫᱟᱯᱤ ᱥᱴᱮᱰᱤᱭᱟᱢ᱾ ᱴᱚᱥ ᱨᱮ ᱡᱤᱛᱟᱹᱣ ᱠᱟᱛᱮᱡ ᱯᱩᱭᱞᱩ ᱨᱮ ᱵᱮᱴᱤᱱᱜ ᱨᱮᱭᱟᱜ ᱥᱤᱫᱷᱟᱱᱛᱚᱭ ᱦᱟᱛᱟᱶ ᱞᱮᱫᱟ ᱟᱯᱜᱟᱱᱤᱥᱛᱷᱟᱱ ᱟᱨ ᱯᱟᱭᱟᱨᱯᱞᱮ ᱚᱠᱛᱚ ᱨᱮᱜᱤ ᱯᱮᱭᱟ ᱩᱭᱠᱮᱴ ᱟᱛ ᱠᱟᱛᱮᱡ ᱢᱚᱴᱷᱮ ᱓᱗ ᱨᱟᱱ ᱜᱮᱠᱚ ᱦᱟᱛᱟᱣ ᱞᱮᱫ ᱛᱟᱦᱮᱱᱟ ᱟᱯᱜᱟᱱᱤᱥᱛᱷᱟᱱ᱾ ᱑᱔᱖ ᱵᱚᱞ ᱠᱤᱞᱟᱱᱰ ᱠᱟᱛᱮᱡ ᱑᱗᱗ ᱨᱟᱱ ᱨᱮᱭᱟᱜ ᱤᱱᱤᱱᱥ ᱵᱮᱱᱟᱣ ᱠᱮᱫᱟᱭ ᱟᱯᱜᱟᱱ ᱚᱯᱮᱱᱟᱨ ᱡᱟᱫᱩᱨᱟᱱ᱾ ᱑᱒ ᱜᱚᱴᱟᱝ ᱵᱟᱭᱩᱱᱰᱟᱨᱤ, ᱖ ᱜᱚᱴᱟᱝ ᱚᱵᱷᱟᱨ ᱵᱟᱭᱩᱱᱰᱟᱨᱤ ᱫᱟᱞ ᱠᱟᱛᱮᱡ ᱥᱟᱱᱟᱢ ᱤᱝᱨᱮᱡ ᱵᱚᱞᱟᱨ ᱠᱚᱭ ᱞᱟᱝᱜᱟ ᱪᱟᱵᱟ ᱞᱮᱫ ᱠᱚᱣᱟ᱾
ᱤᱝᱞᱟᱱᱰ ᱦᱟᱨᱟᱣ ᱠᱟᱛᱮᱡ ᱥᱮᱢᱤ ᱯᱷᱟᱭᱱᱟᱞ ᱨᱮ ᱪᱟᱞᱟᱜ ᱰᱟᱦᱟᱨ ᱚᱱᱮᱠᱴᱟ ᱥᱚᱦᱚᱡ ᱮᱱ ᱛᱟᱠᱩᱣᱟ ᱟᱯᱜᱟᱱᱤᱥᱛᱷᱟᱱᱼᱟᱜ᱾ ᱛᱚᱵᱮ ᱥᱮᱢᱤ ᱨᱮ ᱨᱟᱠᱟᱵ ᱞᱟᱹᱜᱤᱛ ᱒᱘ ᱛᱟᱨᱤᱠ ᱨᱮ ᱚᱥᱴᱨᱮᱞᱤᱭᱟ ᱵᱤᱨᱩᱫᱽ ᱨᱮ ᱡᱤᱛᱟᱹᱣ ᱦᱩᱭᱩᱜ ᱛᱟᱠᱩᱣᱟ ᱟᱯᱜᱟᱱᱤᱥᱛᱷᱟᱱ᱾
