TRIBALS MARCH TO DELHI DEMANDING A RELIGIOUS CODE : ᱵᱷᱟᱨᱚᱛ ᱫᱤᱥᱟᱹᱢ ᱨᱮ ᱛᱩᱨᱩᱭ ᱜᱚᱴᱟᱝ ᱫᱷᱚᱨᱚᱢ(ᱦᱤᱱᱫᱩ,ᱢᱚᱥᱞᱤᱢ,ᱠᱨᱤᱥᱴᱟᱱ,ᱡᱚᱤᱱ,ᱥᱤᱠ ᱟᱨ ᱯᱟᱨᱥᱤ) ᱥᱚᱝᱵᱤᱫᱷᱟᱱ ᱞᱮᱠᱟᱛᱮ ᱥᱤᱠᱨᱤᱛᱤ ᱧᱟᱢ ᱟᱠᱟᱫᱟ᱾ ᱢᱮᱱᱠᱷᱟᱱ ᱢᱤᱫ ᱫᱷᱚᱨᱚᱢ ᱱᱤᱨᱚᱯᱮᱠᱷᱚ ᱫᱤᱥᱟᱹᱢ ᱠᱷᱟᱹᱛᱤᱨ ᱥᱟᱱᱟᱢ ᱡᱟᱹᱛᱤ ᱠᱚᱣᱟᱜ ᱜᱮ ᱫᱷᱯᱨᱚᱢ ᱞᱮᱠᱟᱛᱮ ᱟᱭᱰᱮᱱᱴᱤᱴᱤ(IDENTITY) ᱧᱟᱢ ᱨᱮᱭᱟᱜ ᱚᱫᱷᱤᱠᱟᱨ ᱢᱮᱱᱟᱜ ᱛᱟᱠᱩᱣᱟ᱾ ᱚᱱᱟᱛᱮ ᱵᱷᱟᱨᱚᱛ ᱨᱮᱱ ᱟᱹᱫᱤᱵᱟᱹᱥᱤ ᱠᱚᱦᱚᱸ ᱫᱷᱚᱨᱚᱢ ᱨᱮᱭᱟᱜ ᱩᱯᱨᱩᱢ ᱵᱟᱝᱠᱚ ᱧᱟᱢ ᱟᱠᱟᱫ ᱛᱮ ᱟᱠᱩᱣᱟᱜ ᱡᱟᱹᱛ ᱟᱭᱫᱟᱹᱭ ᱩᱯᱨᱩᱢ ᱟᱨ ᱟᱨᱤᱪᱟᱹᱞᱤ ᱟᱫᱚᱜ ᱞᱮᱠᱟ ᱠᱚ ᱟᱴᱠᱟᱨ ᱮᱫᱟ᱾ ᱚᱱᱟᱛᱮ ᱫᱷᱚᱨᱚᱢ ᱨᱮᱭᱟᱜ ᱩᱯᱨᱩᱢ ᱥᱮ ᱫᱷᱚᱨᱚᱢ ᱠᱳᱰ ᱧᱟᱢ ᱞᱟᱹᱜᱤᱛ ᱛᱮ ᱠᱚᱭᱮᱠ ᱦᱟᱡᱟᱨ ᱟᱹᱫᱤᱵᱟᱹᱥᱤ ᱫᱤᱞᱞᱤ ᱨᱮᱭᱟᱜ ᱡᱚᱱᱛᱚᱨ ᱢᱚᱱᱛᱚᱨ ᱨᱮ ᱒᱘ ᱯᱷᱮᱵᱣᱟᱨᱤ ᱨᱮ ᱢᱤᱫ ᱢᱟᱦᱟ ᱨᱮᱭᱟᱜ ᱫᱷᱚᱨᱱᱟ ᱨᱮᱠᱚ ᱫᱩᱨᱩᱵᱼᱟ᱾
ᱫᱤᱥᱟᱹᱢ ᱨᱮ ᱯᱨᱟᱭ ᱒᱐ ᱠᱳᱴᱤ ᱪᱮᱛᱟᱱ ᱟᱹᱫᱤᱵᱟᱥᱤ ᱠᱚ ᱢᱮᱱᱟᱜ ᱠᱚᱣᱟ, ᱱᱚᱠᱩ ᱒᱐ ᱠᱳᱴᱤ ᱟᱹᱫᱤᱵᱟᱹᱥᱤ ᱱᱤᱡᱟᱹᱨᱼᱟ ᱫᱷᱚᱨᱚᱢ ᱟᱭᱰᱮᱱᱴᱤᱴᱤ (IDENTITY) ᱵᱟᱝ ᱛᱮ ᱚᱠᱚᱭ ᱫᱚ ᱦᱤᱱᱫᱩ, ᱟᱨ ᱚᱠᱚᱭ ᱫᱚ ᱤᱥᱟᱹᱭ ᱫᱷᱚᱢ ᱠᱚ ᱟᱯᱱᱟᱨ ᱮᱫᱟ᱾ ᱟᱨ ᱡᱟᱦᱟ ᱛᱤᱱᱟᱜ ᱟᱹᱫᱤᱵᱟᱹᱥᱤ ᱱᱤᱛ ᱦᱚᱸ ᱱᱤᱡᱟᱹᱨ ᱫᱷᱚᱨᱢ ᱵᱟᱝ ᱵᱟᱜᱤ ᱠᱟᱛᱮᱡ ᱮᱴᱟᱜ ᱫᱷᱚᱨᱚᱢ ᱵᱟᱝ ᱠᱚ ᱟᱯᱱᱟᱨ ᱟᱠᱟᱫᱟ ᱩᱱᱠᱚ ᱫᱷᱚᱨᱚᱢ ᱵᱟᱝᱛᱮ ᱱᱤᱡᱟᱹᱨᱼᱟ ᱡᱟᱹᱛᱤ ᱫᱷᱚᱨᱚᱢ ᱟᱫᱚᱠ ᱠᱟᱱ ᱛᱟᱠᱚᱣᱟ᱾
ᱛᱚᱵᱮ ᱟᱹᱫᱤᱵᱟᱹᱫᱤ ᱠᱚᱣᱟᱜ ᱫᱷᱚᱨᱚᱢ ᱤᱫᱤ ᱠᱟᱛᱮᱡ ᱫᱟᱵᱤ ᱫᱚ ᱯᱩᱭᱞᱩ ᱵᱟᱝ ᱠᱟᱱ ᱛᱟᱠᱚᱣᱟ, ᱱᱚᱣᱟ ᱞᱟᱦᱟ ᱦᱚᱸ ᱟᱹᱰᱤ ᱟᱭᱢᱟ ᱫᱷᱟᱣ ᱫᱷᱚᱨᱚᱢ ᱨᱮᱭᱟᱜ ᱫᱟᱵᱤ ᱠᱚ ᱮᱢ ᱟᱠᱟᱫᱟ, ᱮᱵᱚᱝ ᱠᱤ ᱱᱚᱣᱟ ᱞᱟᱦᱟ ᱫᱤᱞᱞᱤ ᱨᱮᱦᱚᱸ ᱵᱮᱜᱷᱟᱨ ᱫᱷᱚᱨᱚᱢ ᱠᱳᱰ ᱧᱟᱢ ᱞᱟᱹᱜᱤᱛ ᱛᱮ ᱫᱟᱵᱤ ᱠᱚ ᱮᱢ ᱟᱠᱟᱫᱟ᱾ ᱢᱮᱱᱠᱷᱟᱱ ᱱᱤᱛ ᱦᱟᱵᱤᱛ ᱫᱷᱚᱨᱚᱢ ᱠᱳᱰ ᱵᱟᱝ ᱠᱚ ᱧᱟᱢ ᱟᱠᱟᱫᱟ᱾ ᱚᱱᱛᱮ ᱟᱨᱦᱚᱸ ᱢᱤᱫ ᱫᱷᱟᱣ ᱫᱤᱞᱞᱤ ᱨᱮᱭᱟᱜ ᱡᱚᱱᱛᱚᱨᱼᱢᱚᱱᱛᱚᱨ ᱨᱮ ᱠᱮᱱᱫᱨᱚᱭᱚ ᱥᱚᱨᱠᱟᱨᱼᱟᱜ ᱫᱨᱤᱴᱤ ᱟᱠᱚᱨᱥᱚᱱ ᱞᱟᱹᱜᱤᱛ ᱫᱷᱚᱨᱱᱟ ᱠᱚ ᱮᱢᱼᱟ ᱠᱚᱭᱮᱠ ᱦᱟᱡᱟᱨ ᱟᱹᱫᱤᱵᱟᱹᱥᱤ ᱠᱚ᱾
