ᱴᱨᱟᱭᱤᱵᱽ ᱴᱤᱵᱷᱤ ᱥᱟᱱᱛᱟᱲᱤ, ᱫᱤᱞᱞᱤᱺ ᱫᱟᱨᱟᱭᱠᱟᱱ ᱪᱟᱸᱫᱳ ᱵᱤᱫᱷᱟᱱᱥᱚᱵᱷᱟ ᱨᱮᱱᱟᱜ ᱵᱷᱳᱴ ᱦᱩᱭ ᱫᱟᱲᱮᱭᱟᱜᱼᱟ ᱫᱤᱞᱞᱤ ᱨᱮ, ᱚᱱᱟ ᱢᱟᱲᱟᱝ ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱡᱚᱢᱠᱟᱣᱮᱱᱟ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ (Narendra Modi) ᱟᱨ ᱟᱯ ᱥᱩᱯᱨᱤᱢᱳ ᱚᱨᱵᱤᱱᱫᱽ ᱠᱮᱹᱡᱽᱨᱤᱣᱟᱞᱟᱜ (Arvind Kejriwal) ᱨᱟᱯᱟᱪᱟᱜ ᱾ ᱡᱟᱹᱨᱩᱢ ᱢᱟᱦᱟ ᱦᱤᱞᱳᱜ ᱠᱚᱰᱨᱟ ᱵᱷᱟᱥᱚᱱ ᱛᱟᱞᱟᱛᱮ ᱫᱤᱞᱞᱤ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮᱱᱟᱜ ᱯᱨᱚᱪᱟᱨᱮ ᱮᱛᱚᱦᱚᱵ ᱠᱮᱫᱟ ᱢᱳᱫᱤ (Narendra Modi) ᱾
ᱚᱸᱰᱮ ᱩᱱᱤ ᱛᱮᱨᱟᱝ ᱠᱮᱫᱮᱭᱟᱭ ᱫᱤᱞᱞᱤ ᱨᱮᱱ ᱥᱮᱫᱟᱭ ᱥᱤᱨᱟᱹ ᱢᱚᱱᱛᱨᱤ ᱟᱨᱵᱟᱝ ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱥᱩᱯᱨᱤᱢᱳ ᱚᱨᱵᱤᱱᱫᱽ ᱠᱮᱹᱡᱽᱨᱤᱣᱟᱞ (Arvind Kejriwal) ᱾ ᱢᱟᱨᱟᱝ ᱢᱚᱱᱛᱨᱤᱭᱟᱜ (Narendra Modi) ᱟᱯᱷᱚᱫᱽ, ‘ᱟᱯᱼᱮ ᱦᱩᱭᱩᱜ ᱠᱟᱱᱟ ᱫᱤᱞᱞᱤ ᱨᱮᱱ ᱟᱯᱚᱫᱽ ᱾ ᱱᱩᱠᱩ ᱯᱟᱨᱚᱢᱮᱱ ᱜᱮᱞ ᱥᱮᱨᱢᱟ ᱨᱮ ᱫᱤᱞᱞᱤ ᱨᱮ ᱠᱷᱟᱹᱞᱤ ᱵᱤᱯᱚᱨᱡᱚᱭ ᱠᱚ ᱟᱹᱜᱩᱣᱟᱠᱟᱫᱟ ᱾’
ᱥᱤᱨᱟᱹ ᱢᱚᱱᱛᱨᱤ ᱛᱟᱦᱮᱱ ᱚᱠᱛᱚ ᱫᱤᱞᱞᱤ ᱥᱚᱨᱠᱟᱨᱟᱜ ᱠᱳᱥᱟᱜᱟᱨ ᱠᱷᱚᱱ ᱕᱖ ᱠᱳᱴᱤ ᱴᱟᱠᱟ ᱠᱷᱚᱨᱚᱪ ᱠᱟᱛᱮ ᱥᱤᱵᱷᱤᱞ ᱞᱟᱭᱥᱮᱱᱥᱟᱜ ᱥᱚᱨᱠᱟᱨᱤ ᱵᱟᱥᱵᱷᱚᱵᱚᱱᱮ ᱥᱚᱝᱥᱠᱟᱨ ᱞᱮᱫᱟ ᱠᱮᱹᱡᱽᱨᱤᱣᱟᱞ (Arvind Kejriwal) ᱢᱮᱱᱛᱮ ᱟᱯᱷᱚᱫᱽ ᱾ ᱩᱱ ᱠᱷᱚᱱᱜᱮ ᱚᱱᱟ ᱵᱟᱥᱵᱷᱚᱵᱚᱱ ‘ᱥᱤᱥᱢᱚᱦᱚᱞ’ ᱢᱮᱱᱛᱮᱠᱚ ᱢᱮᱱᱟ ᱵᱤᱹᱡᱮᱹᱯᱤ ᱾ ᱚᱱᱟ ᱠᱟᱛᱷᱟ ᱚᱨ ᱟᱹᱜᱩ ᱠᱟᱛᱮ ᱢᱳᱫᱤᱭ (Narendra Modi) ᱞᱟᱹᱭ, ‘ᱤᱧᱦᱚᱸ ᱥᱚᱨᱠᱟᱨᱤ ᱴᱟᱠᱟᱛᱮ ᱥᱤᱥᱢᱚᱦᱚᱞᱤᱧ ᱛᱮᱭᱟᱨ ᱫᱟᱲᱮᱭᱟᱜ ᱠᱮᱭᱟ ᱾ ᱢᱮᱱᱠᱷᱟᱱ ᱚᱱᱟ ᱴᱟᱠᱟᱛᱮ ᱤᱧ ᱨᱮᱸᱜᱮᱡ ᱦᱚᱲᱟᱜ ᱵᱚᱦᱚᱜ ᱩᱢᱩᱞᱚᱜ ᱞᱮᱠᱟ ᱯᱩᱱ ᱠᱳᱴᱤ ᱚᱲᱟᱜᱼᱤᱧ ᱮᱢ ᱟᱠᱟᱫ ᱠᱚᱣᱟ ᱾ ᱢᱳᱫᱤᱭᱟᱜ (Narendra Modi) ᱱᱚᱣᱟ ᱟᱯᱷᱚᱫᱽ ᱥᱟᱦᱟ ᱠᱟᱛᱮ ᱟᱭᱢᱟ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱠᱮᱹᱡᱽᱨᱤᱣᱟᱞ (Arvind Kejriwal) ᱾
ᱩᱱᱤᱭᱟᱜ ᱫᱟᱹᱵᱤ, ᱯᱟᱨᱚᱢᱮᱱ ᱜᱮᱞ ᱥᱮᱨᱢᱟ ᱨᱮ ᱫᱤᱞᱞᱤ ᱨᱮ ᱞᱟᱹᱭ ᱫᱟᱲᱮᱭᱟᱜ ᱞᱮᱠᱟ ᱪᱮᱫᱦᱚᱸ ᱵᱟᱝᱠᱚ ᱠᱟᱹᱢᱤᱭᱟᱠᱟᱫᱟ ᱾ ᱚᱱᱟᱛᱮ ᱡᱟᱦᱟᱱ ᱩᱯᱟᱹᱭ ᱵᱟᱝ ᱧᱟᱢ ᱠᱟᱛᱮ ᱵᱮᱠᱛᱤᱜᱚᱛᱚ ᱟᱠᱨᱚᱢᱚᱱ ᱠᱚ ᱮᱛᱚᱦᱚᱵ ᱟᱠᱟᱫᱟ ᱾ ᱵᱤᱹᱡᱮᱹᱯᱤ ᱠᱚ ᱞᱟᱹᱭ ᱞᱮᱫᱟ, ᱒᱐᱒᱒ ᱥᱟᱞ ᱵᱷᱤᱛᱤᱨ ᱨᱮ ᱫᱤᱥᱚᱢ ᱨᱮᱱ ᱥᱟᱱᱟᱢ ᱦᱚᱲ ᱚᱲᱟᱜ ᱠᱚ ᱮᱢᱟ ᱠᱚᱣᱟ ᱾ ᱢᱮᱱᱠᱷᱟᱱ ᱢᱚᱬᱮ ᱥᱮᱨᱢᱟ ᱛᱮ ᱫᱤᱞᱞᱤ ᱨᱮ ᱔᱗᱐᱐ ᱚᱲᱟᱜᱼᱮ ᱛᱮᱭᱟᱨ ᱫᱟᱲᱮᱣᱟᱠᱟᱫᱟ ᱾
ᱠᱮᱹᱡᱽᱨᱤ (Arvind Kejriwal) ᱟᱨᱦᱚᱸᱭ ᱢᱮᱱ ᱟᱠᱟᱫᱟ, ‘ᱟᱢ ᱟᱫᱽᱢᱤ ᱯᱟᱨᱴᱤ ᱫᱤᱞᱞᱤ ᱨᱮᱱ ᱟᱯᱚᱫᱽ ᱫᱚ ᱵᱟᱝ, ᱟᱥᱚᱞ ᱵᱤᱯᱚᱨᱡᱚᱭ ᱫᱚᱠᱚ ᱦᱩᱭᱩᱜ ᱠᱟᱱᱟ ᱵᱤᱹᱡᱮᱹᱯᱤ ᱾ ᱩᱱᱠᱩ ᱵᱷᱳᱴ ᱮᱢᱟᱠᱚ ᱠᱷᱟᱱ ᱫᱤᱞᱞᱤ ᱨᱮᱱᱟᱜ ᱥᱟᱱᱟᱢ ᱵᱚᱥᱛᱤ ᱩᱡᱟᱹᱲ ᱠᱟᱛᱮ ᱥᱟᱱᱟᱢ ᱦᱚᱲ ᱚᱲᱟᱜ ᱠᱷᱚᱱᱠᱚ ᱞᱟᱜᱟ ᱩᱰᱩᱠ ᱠᱚᱣᱟ ᱾
ᱵᱟᱪᱷᱱᱟᱣ ᱨᱮᱱᱟᱜ ᱱᱟᱣᱟ ᱥᱚᱢᱤᱠᱚᱨᱚᱱ
ᱱᱚᱣᱟ ᱠᱚ ᱢᱩᱫᱽ ᱨᱮ ᱥᱟᱢᱟᱝ ᱨᱮ ᱦᱤᱡᱩᱜ ᱠᱟᱱᱟ ᱱᱟᱣᱟ ᱨᱟᱡᱽᱼᱟᱹᱨᱤ ᱥᱚᱢᱤᱠᱚᱨᱚᱱ ᱾ ᱱᱤᱭᱟᱹᱫᱷᱟᱣᱟᱜ ᱫᱤᱞᱞᱤ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱮᱯᱨᱟᱣ ᱰᱟᱹᱦᱤ ᱨᱮᱠᱚ ᱟᱲᱜᱳᱱ ᱠᱟᱱᱟ ᱢᱟᱭᱟᱵᱚᱛᱤᱣᱟᱜ ᱫᱚᱞ ᱵᱤᱹᱮᱥᱹᱯᱤ ᱟᱨ ᱟᱥᱟᱫᱽᱩᱫᱽᱫᱤᱱᱟᱜ ᱫᱚᱞ ᱮᱹᱟᱭᱹᱮᱢᱹᱟᱭᱹᱮᱢ ᱾ ᱫᱤᱞᱞᱤ ᱨᱮᱱ ᱥᱟᱱᱟᱢ ᱦᱚᱲ ᱢᱩᱫᱽ ᱨᱮ ᱫᱚᱞᱤᱛ ᱥᱚᱢᱟᱡᱽ ᱨᱮᱱ ᱟᱹᱜᱩᱣᱟᱹᱱ ᱑᱗% ᱾ ᱩᱱᱠᱩᱣᱟᱜ ᱮᱥᱮᱨ ᱢᱮᱱᱟᱜ ᱴᱷᱟᱶ ᱨᱮ ᱑᱒ ᱜᱚᱴᱟᱝ ᱵᱤᱫᱷᱟᱱᱥᱚᱵᱷᱟ ᱦᱩᱫᱟᱹ ᱫᱚᱞᱤᱛ ᱞᱟᱹᱜᱤᱫ ᱛᱮ ᱨᱟᱠᱷᱟ ᱫᱚᱦᱚ ᱢᱮᱱᱟᱜᱼᱟ ᱾ ᱨᱟᱡᱽᱼᱟᱹᱨᱤ ᱜᱟᱹᱠᱷᱩᱲᱤᱭᱟᱹ ᱠᱚᱣᱟᱜ ᱫᱟᱹᱵᱤ, ᱫᱤᱞᱞᱤ ᱨᱮ ᱟᱹᱰᱤ ᱡᱟᱹᱥᱛᱤ ᱫᱚᱞᱤᱛ ᱢᱮᱱᱟᱜ ᱠᱚᱣᱟ ᱑᱕ ᱠᱷᱚᱱ ᱑᱘ ᱜᱚᱴᱟᱝ ᱦᱩᱫᱟᱹ ᱨᱮ ᱾
ᱢᱳᱴ ᱗᱐ ᱜᱚᱴᱟᱝ ᱦᱩᱫᱟᱹ ᱨᱮᱱᱟᱜ ᱫᱤᱞᱞᱤ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱱᱚᱣᱟ ᱑᱘ ᱜᱚᱴᱟᱝ ᱦᱩᱫᱟᱹ ᱟᱹᱰᱤᱜᱮ ᱡᱟᱹᱨᱩᱲᱟᱱᱟ ᱾ ᱡᱟᱦᱟᱸᱨᱮ ᱵᱚᱦᱩᱡᱚᱱ ᱥᱚᱢᱟᱡᱽᱵᱟᱫᱤ ᱯᱟᱨᱴᱤ ᱟᱨ ᱮᱹᱟᱭᱹᱮᱢᱹᱟᱭᱹᱮᱢ ᱥᱟᱶᱛᱮ ᱥᱚᱡᱷᱮ ᱞᱟᱹᱲᱦᱟᱹᱭ ᱰᱟᱹᱦᱤ ᱨᱮᱠᱚ ᱟᱲᱜᱳᱱᱟ ᱠᱚᱝᱜᱨᱮᱹᱥ, ᱵᱤᱹᱡᱮᱹᱯᱤ ᱟᱨ ᱟᱯ ᱾
ᱢᱮᱱᱠᱷᱟᱱ ᱱᱤᱛ ᱧᱮᱞ ᱨᱮᱱᱟᱜ ᱖᱒ ᱜᱚᱴᱟᱝ ᱠᱷᱚᱱ ᱥᱤᱴ ᱡᱟᱹᱥᱛᱤᱜ ᱛᱟᱠᱚᱣᱟ ᱟᱯᱼᱟᱜ ᱥᱮ ᱟᱠᱚᱣᱟᱜ ᱚᱱᱟ ᱦᱩᱫᱟᱹ ᱦᱚᱸ ᱞᱮᱠᱷᱟ ᱨᱮ ᱠᱚᱢᱚᱜᱼᱟ ? ᱡᱩᱫᱤᱭᱳ ᱟᱯᱱᱟᱨᱟᱜ ᱦᱩᱫᱟᱹ ᱥᱟᱵ ᱫᱚᱦᱚᱭ ᱞᱟᱹᱜᱤᱫ ᱢᱤᱫ ᱞᱮᱛᱟᱲ ᱱᱟᱱᱟᱦᱩᱱᱟᱹᱨ ᱡᱳᱡᱳᱱᱟᱠᱚ ᱩᱪᱷᱟᱹᱱᱮᱫᱟ ᱟᱯ ᱾
