(PAPUL MURMU) TRIBE TV DIGITAL JHARKHAND : ᱑᱑ ᱡᱟᱱᱩᱣᱟᱨᱤ ᱡᱷᱟᱲᱠᱷᱚᱸᱰ ᱨᱮᱭᱟᱜ ᱨᱟᱡᱽᱱᱤᱛᱤ ᱨᱮ ᱵᱟᱨᱭᱟ ᱢᱟᱨᱟᱝ ᱱᱮᱛᱟᱣᱟᱜ ᱡᱟᱱᱟᱢ ᱢᱟᱦᱟ ᱠᱟᱱᱟ᱾ ᱢᱤᱫ ᱫᱚ ᱫᱤᱥᱚᱢ ᱜᱩᱨᱩ ᱥᱤᱵᱩ ᱥᱚᱨᱮᱱ (Shibu Soren), ᱟᱨ ᱫᱚᱥᱟᱨ ᱫᱚ ᱡᱷᱟᱲᱠᱷᱚᱸᱰ ᱨᱮ ᱯᱩᱭᱞᱩ ᱥᱤᱨᱟᱹ ᱢᱚᱱᱛᱨᱤ ᱵᱟᱵᱩᱞᱟᱞ ᱢᱟᱨᱟᱱᱰᱤᱣᱟᱜ ᱡᱟᱱᱟᱢ ᱢᱟᱦᱟ ᱠᱟᱱᱟ᱾ ᱥᱤᱵᱩ ᱥᱚᱨᱮᱱ (Shibu Soren) ᱡᱷᱟᱲᱠᱷᱚᱸᱰ ᱟᱱᱫᱳᱞᱚᱱ ᱨᱮ ᱢᱟᱨᱟᱝ ᱵᱷᱩᱢᱤᱠᱟ ᱛᱟᱦᱮᱸ ᱠᱟᱱ ᱛᱟᱭᱟ, ᱡᱟᱦᱟᱸ ᱛᱟᱭᱚᱢ ᱫᱟᱨᱟᱢ ᱟᱞᱟᱜᱽ ᱡᱷᱟᱲᱠᱷᱚᱸᱰ ᱨᱟᱡᱽ ᱵᱮᱱᱟᱣ ᱞᱟᱹᱜᱤᱫ ᱡᱷᱟᱲᱠᱷᱚᱸᱰ ᱢᱩᱠᱛᱤ ᱢᱳᱨᱪᱟ ᱧᱩᱛᱩᱢᱟᱱ ᱢᱤᱫ ᱯᱟᱨᱴᱤ ᱦᱚᱸᱭ ᱵᱮᱱᱟᱣ ᱞᱮᱫᱟ᱾ ᱟᱨ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱫᱚ ᱡᱷᱟᱲᱠᱷᱚᱸᱰ ᱯᱚᱱᱚᱛ ᱨᱮᱱ ᱯᱩᱭᱞᱩ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱟ᱾
ᱥᱤᱵᱩᱣᱟᱜ (Shibu Soren) ᱟᱱᱫᱳᱞᱚᱱ ᱠᱷᱚᱱ ᱡᱷᱟᱲᱠᱷᱚᱸᱰ ᱜᱚᱴᱷᱚᱱ
ᱫᱤᱥᱚᱢ ᱜᱩᱨᱩ (Shibu Soren) ᱫᱚᱨᱟᱢᱜᱚᱲ ᱡᱮᱞᱟ ᱨᱮ ᱢᱮᱱᱟᱜ ᱜᱚᱞᱟ ᱯᱨᱚᱠᱷᱚᱸᱰ ᱨᱮ ᱑᱙᱔᱔ ᱨᱮᱭᱟᱜ ᱑᱑ ᱡᱟᱱᱩᱣᱟᱨᱤ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱱᱟ᱾ ᱥᱤᱵᱩ ᱥᱚᱨᱮᱱᱟᱜ (Shibu Soren) ᱡᱤᱭᱚᱱ ᱨᱮᱭᱟᱜ ᱯᱟᱹᱦᱤᱞ ᱫᱷᱟᱯ ᱫᱚ ᱡᱚᱢᱤᱫᱟᱨ ᱢᱚᱦᱟᱡᱚᱱ ᱠᱚ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱟᱨ ᱡᱷᱟᱲᱠᱷᱚᱸᱰ ᱟᱱᱫᱳᱞᱚᱱ ᱟᱨ ᱫᱚᱥᱟᱨ ᱫᱷᱟᱯ ᱫᱚ ᱡᱷᱟᱲᱠᱷᱚᱸᱰ ᱞᱟᱹᱜᱤᱫ ᱱᱟᱣᱟ ᱨᱩᱯ ᱮᱢ ᱨᱮ ᱵᱤᱛᱟᱹᱣ ᱟᱠᱟᱱ ᱛᱟᱭᱟ ᱾ ᱥᱤᱵᱩ ᱥᱚᱨᱮᱱ (Shibu Soren) ᱨᱮᱱ ᱱᱟᱣᱟ ᱯᱤᱲᱦᱤ ᱢᱮᱱᱫᱚ ᱥᱤᱨᱟᱹ ᱢᱚᱱᱛᱨᱤ ᱦᱮᱢᱚᱱᱛ ᱥᱚᱨᱮᱱ ᱛᱮᱦᱮᱧ ᱞᱮᱠᱟᱱ ᱫᱤᱱ ᱨᱮ ᱩᱱᱤᱭᱟᱜ ᱚᱱᱟ ᱠᱟᱹᱢᱤ ᱜᱮᱭ ᱞᱟᱦᱟ ᱤᱫᱤᱭᱮᱫᱟ᱾ ᱥᱤᱵᱩ ᱥᱚᱨᱮᱱᱟᱜ (Shibu Soren) ᱥᱚᱝᱜᱷᱟᱨ ᱨᱮᱭᱟᱜ ᱠᱟᱹᱦᱤᱱᱤ ᱮᱦᱚᱵᱚᱠ ᱟᱠᱟᱱᱟ ᱑᱙᱕᱗ ᱨᱮ ᱟᱡ ᱵᱟᱵᱟ ᱥᱚᱵᱽᱨᱟᱱ ᱥᱚᱨᱮᱱ ᱜᱚᱡ ᱛᱟᱭᱚᱢ ᱾ ᱥᱤᱵᱩ ᱥᱚᱨᱮᱱ ᱫᱚ ᱢᱚᱦᱟᱡᱚᱱ ᱠᱚ ᱵᱤᱨᱩᱫᱷ ᱨᱮ ᱞᱟᱜᱟᱛᱟᱨ ᱟᱸᱫᱳᱲ ᱪᱟᱞᱟᱣᱮᱫ ᱠᱟᱱ ᱛᱟᱦᱮᱱᱟ ᱾ ᱟᱨ ᱚᱱᱟ ᱟᱱᱫᱳᱞᱚᱱ ᱠᱷᱟᱹᱛᱤᱨ ᱜᱮ ᱡᱤᱣᱤ ᱫᱚ ᱪᱟᱞᱟᱣ ᱞᱮᱱ ᱛᱟᱭᱟ ᱾ ᱥᱚᱵᱽᱨᱟᱱ ᱥᱚᱨᱮᱱ ᱜᱚᱡᱼᱜᱩᱨ ᱛᱟᱭᱚᱢ ᱟᱯᱟᱛᱟᱜ ᱜᱚᱡ ᱨᱮᱭᱟᱜ ᱵᱚᱫᱽᱞᱟ ᱦᱟᱛᱟᱣ ᱞᱟᱹᱜᱤᱫ ᱦᱩᱰᱤᱧ ᱩᱢᱮᱹᱨ ᱛᱟᱦᱮᱱ ᱛᱩᱞᱩᱡ ᱦᱚᱸ ᱥᱩᱫᱽᱠᱷᱳᱨ ᱢᱚᱦᱟᱡᱚᱱ ᱠᱚ ᱵᱤᱨᱩᱫᱷ ᱨᱮ “ᱫᱷᱟᱱ ᱠᱟᱴᱱᱤ ᱟᱱᱫᱳᱞᱚᱱ”ᱮ ᱮᱛᱚᱦᱚᱵ ᱠᱮᱫᱟ᱾ ᱑᱙᱗᱒ ᱨᱮ ᱡᱮᱹᱮᱢᱹᱮᱢ ᱦᱚᱸ ᱜᱚᱴᱷᱚᱱ ᱮᱱᱟ, ᱟᱨ ᱟᱹᱰᱤ ᱞᱟᱹᱲᱦᱟᱹᱭ ᱛᱟᱭᱚᱢ ᱜᱮ ᱒᱐᱐᱐ ᱥᱟᱞ ᱨᱮ ᱢᱤᱫ ᱱᱟᱣᱟ ᱯᱚᱱᱚᱛ ᱩᱪᱷᱟᱹᱱ ᱮᱱᱟ, ᱧᱩᱛᱩᱢ ᱫᱚ ᱡᱷᱟᱲᱠᱷᱚᱸᱰ᱾
ᱡᱷᱟᱲᱠᱷᱚᱸᱰ ᱵᱮᱱᱟᱣ ᱛᱟᱭᱚᱢ ᱨᱮᱭᱟᱜ ᱠᱟᱛᱷᱟ
ᱥᱤᱵᱩ ᱥᱚᱨᱮᱱ (Shibu Soren) ᱥᱟᱶᱛᱮ ᱛᱮᱦᱮᱧᱟᱜ ᱫᱤᱱ ᱨᱮᱜᱮ ᱡᱟᱱᱟᱢ ᱞᱮᱱᱟ ᱡᱷᱟᱲᱠᱷᱚᱸᱰ ᱨᱮᱱ ᱯᱩᱭᱞᱩ ᱥᱤᱨᱟᱹ ᱢᱚᱱᱛᱨᱤ ᱵᱟᱵᱩᱞᱟᱞ ᱢᱟᱨᱟᱱᱰᱤ᱾ ᱵᱟᱵᱩᱞᱟᱞ ᱫᱚ ᱑᱙᱕᱘ ᱨᱮᱭᱟᱜ ᱑᱑ ᱡᱟᱱᱩᱣᱟᱨᱤ ᱜᱤᱨᱤᱰᱤ ᱨᱮᱭᱟᱜ ᱠᱳᱫᱟᱭᱵᱟᱸᱠ ᱟᱹᱛᱩ ᱨᱮ ᱢᱤᱫ ᱠᱤᱥᱟᱱ ᱯᱚᱨᱤᱵᱟᱨ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱱᱟ᱾ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱫᱚ ᱡᱷᱟᱲᱠᱷᱚᱸᱰ ᱜᱚᱴᱷᱚᱱ ᱛᱟᱭᱚᱢ ᱯᱩᱭᱞᱩ ᱥᱤᱨᱟᱹᱢᱚᱱᱴᱨᱤ ᱛᱟᱦᱮᱸ ᱠᱟᱱᱟᱭ ᱾ ᱑᱙᱙᱐ ᱨᱮ ᱵᱟᱵᱩᱞᱟᱞ ᱫᱚ ᱥᱟᱱᱛᱟᱞ ᱯᱟᱨᱜᱟᱱᱟ ᱨᱮ ᱵᱤᱹᱡᱮᱹᱯᱤ ᱠᱷᱚᱱ ᱥᱚᱝᱜᱚᱴᱷᱚᱱ ᱢᱚᱱᱛᱨᱤ ᱵᱮᱱᱟᱣ ᱞᱮᱱᱟᱭ ᱾ ᱟᱨ ᱰᱩᱢᱠᱟ ᱨᱮ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱥᱤᱵᱩ ᱥᱚᱨᱮᱱᱟᱜ (Shibu Soren) ᱵᱤᱡᱚᱭ ᱨᱚᱛᱷ ᱟᱴᱠᱟᱣ ᱠᱟᱛᱮᱫ ᱒᱐᱐᱐ ᱥᱟᱹᱦᱤᱛ ᱨᱮ ᱡᱷᱟᱲᱠᱷᱚᱸᱰ ᱵᱮᱱᱟᱣᱮᱱᱟ, ᱟᱨ ᱒᱐᱐᱓ ᱨᱮ ᱯᱩᱭᱞᱩ ᱫᱷᱟᱣ ᱞᱟᱹᱜᱤᱫ ᱥᱤᱨᱟᱹ ᱢᱚᱱᱛᱨᱤᱭ ᱦᱩᱭᱮᱱᱟ ᱾ ᱵᱟᱵᱩᱞᱟᱞ ᱢᱟᱨᱟᱱᱰᱤ ᱒᱐᱐᱖ ᱨᱮ ᱡᱷᱟᱲᱠᱷᱚᱸᱰ ᱵᱤᱠᱟᱥ ᱢᱳᱨᱪᱟ ᱧᱩᱛᱩᱢ ᱛᱮ ᱟᱡᱟᱜ ᱱᱤᱡᱮᱨ ᱯᱟᱨᱴᱤ ᱵᱮᱱᱟᱣ ᱠᱮᱫᱟᱭ ᱾ ᱯᱮ ᱫᱷᱟᱣ ᱵᱟᱪᱷᱱᱟᱣ ᱨᱮ ᱫᱟᱣ ᱦᱟᱢᱮᱴ ᱛᱟᱭᱚᱢ ᱒᱐᱒᱐ ᱨᱮ ᱡᱮᱹᱵᱷᱤᱹᱮᱢ ᱵᱤᱹᱡᱮᱹᱯᱤ ᱨᱮᱭ ᱢᱮᱥᱟᱭᱮᱱᱟ ᱾
