(PAPUL MURMU) DELHI ELECTION 2025 : ᱫᱟᱨᱟᱭ ᱠᱟᱱ 5 FEBRUARY ᱫᱤᱞᱞᱤ ᱨᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟ (DELHI ASSEMBLY ELECTION) ᱟᱨ ᱚᱱᱟ ᱵᱟᱪᱷᱱᱟᱣ ᱨᱮ ᱵᱟᱝᱞᱟ ᱨᱮᱱ ᱥᱤᱨᱟᱹᱢᱚᱱᱛᱨᱤ ᱢᱚᱢᱚᱛᱟ ᱵᱟᱱᱟᱨᱡᱤ ᱟᱦ ᱯᱨᱚᱠᱚᱞᱯᱚ ᱛᱤᱨᱞᱟᱹ ᱠᱚ ᱞᱟᱹᱜᱤᱫ “ᱞᱚᱠᱠᱷᱤ ᱵᱷᱟᱱᱰᱟᱨ” (LAKSHI BANDAR) ᱞᱮᱠᱟᱜᱮ ᱢᱚᱦᱤᱞᱟ ᱥᱚᱢᱨᱤᱫᱷᱤ (MAHILA SAMRIDHI) ᱭᱚᱡᱚᱱᱟ ᱪᱟᱹᱞᱩ ᱨᱮᱭᱟᱜ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱵᱤ ᱡᱮ ᱯᱤ᱾ ᱫᱤᱞᱞᱤ ᱮᱞᱮᱠᱥᱚᱱ ᱞᱟᱦᱟ ᱨᱮ ᱵᱤ ᱡᱮ ᱯᱤ ᱥᱚᱵᱷᱟᱯᱚᱛᱤ ᱡᱮ ᱯᱤ ᱱᱟᱰᱰᱟ(JP NADDA) ᱜᱷᱚᱥᱚᱱᱟ ᱟᱠᱟᱫᱟᱭ ᱡᱮ ᱫᱤᱞᱞᱤ ᱨᱮ ᱵᱤ ᱡᱮ ᱯᱤ ᱠᱷᱚᱢᱚᱛᱟ ᱨᱮᱠᱚ ᱦᱮᱡ ᱞᱮᱱ ᱠᱷᱟᱡ ᱛᱤᱨᱞᱟᱹ ᱠᱚ ᱪᱟᱸᱫᱩ ᱯᱤᱪᱷᱤ ᱒᱕᱐᱐ ᱴᱟᱠᱟ ᱠᱟᱛᱮᱡ ᱮᱢ ᱦᱩᱭᱜ ᱟᱦ᱾ ᱱᱟᱰᱰᱟᱭᱟᱜ ᱞᱟᱹᱭ ᱒᱕᱐᱐ ᱴᱟᱠᱟ ᱥᱟᱹᱢᱩᱝ ᱫᱚ ᱵᱟᱝ ᱥᱟᱣᱛᱮ ᱵᱤᱱᱟᱹ ᱯᱩᱭᱥᱟᱹ ᱛᱮᱠᱩ ᱧᱟᱢ ᱟᱦ LPG ᱥᱤᱞᱤᱱᱰᱟᱨ ᱦᱚᱸ᱾
ᱡᱟᱹᱨᱩᱢ ᱢᱟᱦᱟ ᱦᱤᱞᱟᱹᱜ ᱫᱤᱞᱞᱤ ᱨᱮᱭᱟᱜ ᱮᱞᱮᱠᱥᱚᱱ ᱤᱫᱤ ᱠᱟᱛᱮᱡ ᱤᱥᱛᱮᱦᱟᱨ ᱩᱪᱟᱹᱱ ᱚᱠᱛᱚ ᱟᱹᱰᱤ ᱜᱟᱱ ᱯᱨᱚᱠᱚᱞᱯᱚ ᱨᱮᱭᱟᱜ ᱠᱟᱛᱷᱟᱭ ᱩᱪᱟᱹᱱ ᱟᱠᱟᱫᱟ᱾ ᱟᱨ ᱚᱱᱟ ᱠᱚ ᱢᱩᱫ ᱨᱮ ᱢᱮᱱᱟᱜ ᱟᱦ ᱢᱚᱦᱤᱞᱟ ᱥᱚᱢᱨᱤᱫᱫᱷᱤ ᱭᱚᱡᱚᱱᱟ᱾
ᱱᱟᱰᱰᱟ ᱟᱨᱦᱚᱭ ᱞᱟᱹᱭ ᱟᱠᱟᱫᱟ ᱡᱮ ᱵᱤ ᱡᱮ ᱯᱤ ᱥᱚᱨᱠᱟᱨ ᱨᱮ ᱦᱮᱡ ᱛᱟᱭᱚᱢ ᱯᱩᱭᱞᱩ ᱠᱟᱵᱤᱱᱮᱴ ᱫᱩᱯᱨᱩᱯ ᱨᱮᱜᱤ ᱟᱹᱰᱤ ᱜᱟᱱ ᱯᱨᱚᱠᱚᱞᱯᱚ ᱯᱟᱥ ᱦᱩᱭᱩᱜᱼᱟ ᱢᱮᱱᱛᱮᱭ ᱞᱟᱹᱭ ᱟᱠᱟᱫᱟ᱾ ᱟᱨ ᱕᱐᱐ ᱴᱟᱠᱟ ᱛᱮᱜᱤ ᱛᱤᱨᱞᱟᱹ ᱠᱚ ᱧᱟᱢ ᱟᱦ LPG CYLINDAR, ᱨᱮᱱᱜᱮᱡ ᱱᱟᱪᱟᱨ ᱦᱚᱲ ᱦᱚᱞᱤ ᱟᱨ ᱠᱟᱹᱞᱤ ᱯᱩᱡᱟᱹ ᱨᱮ ᱵᱤᱱᱟᱹ ᱯᱩᱭᱥᱟᱹ ᱛᱮ ᱵᱟᱨᱭᱟ CYLINDAR ᱠᱚ ᱧᱟᱢᱟ᱾
ᱵᱤ ᱡᱮ ᱯᱤ ᱟᱜ ᱤᱥᱛᱮᱦᱟᱨ ᱩᱪᱷᱟᱹᱱ
ᱠᱮᱱᱫᱨᱤᱭᱚ ᱥᱚᱨᱠᱟᱨ ᱟᱦ “ᱟᱭᱩᱥᱢᱟᱱ ᱵᱷᱟᱨᱚᱛ” (AYUSHMAN BHARAT) ᱯᱨᱚᱠᱚᱞᱯᱚ ᱤᱫᱤ ᱠᱟᱛᱮᱡ ᱦᱚᱸ ᱱᱟᱰᱰᱟ ᱟᱦ ᱞᱟᱹᱭ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱ ᱠᱷᱟᱡ ᱡᱚᱛᱚ ᱠᱷᱚᱱ ᱞᱟᱦᱟ ᱨᱮ ᱥᱟᱥᱛᱷᱚ ᱤᱫᱤ ᱠᱟᱛᱮᱡ ᱠᱟᱹᱢᱤ ᱦᱩᱭᱩᱜ ᱟᱦ, ᱪᱮᱫᱟᱜ ᱥᱮ ᱱᱟᱰᱰᱟᱭ ᱞᱟᱹᱭ ᱟᱠᱟᱫᱟ ᱫᱤᱞᱞᱤ ᱨᱮ ᱟᱯ ᱥᱚᱨᱠᱟᱨ ᱠᱷᱟᱹᱛᱤᱨ ᱜᱮ ᱥᱟᱥᱛᱷᱚ ᱤᱫᱤ ᱠᱟᱛᱮᱡ ᱠᱮᱱᱫᱨᱤᱭᱚ ᱥᱚᱨᱠᱟᱨᱭᱟᱜ ᱯᱨᱚᱠᱚᱞᱯᱚ “ᱟᱭᱩᱥᱢᱟᱱ ᱵᱷᱟᱨᱚᱛ” ᱞᱮᱠᱟᱱ ᱯᱨᱚᱠᱚᱞᱯᱚ ᱨᱮᱭᱟᱜ ᱥᱩᱵᱤᱫᱷᱟ ᱵᱟᱝ ᱠᱚ ᱧᱟᱢ ᱮᱫ ᱛᱟᱦᱮᱱᱟ ᱫᱤᱞᱞᱤᱵᱟᱹᱥᱤ᱾
ᱯᱟᱨᱚᱢᱮᱱ ᱪᱟᱸᱫᱩ ᱜᱮ ᱫᱤᱞᱞᱤ ᱨᱮ ᱑᱘ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱩᱢᱮᱨᱟᱱ ᱛᱤᱨᱞᱟᱹ ᱠᱚ ᱪᱟᱸᱫᱩ ᱯᱤᱪᱷᱤ ᱑᱐᱐᱐ ᱴᱟᱠᱟ ᱠᱟᱛᱮᱡ ᱮᱢ ᱨᱮᱭᱟᱜ ᱠᱟᱛᱷᱟᱭ ᱩᱪᱷᱟᱹᱱ ᱟᱠᱟᱫᱟ ᱟᱯ ᱥᱚᱨᱠᱟᱨ᱾ ᱛᱚᱵᱮ ᱫᱤᱞᱞᱤ ᱨᱮᱭᱟᱜ ᱵᱷᱚᱴ ᱨᱮ ᱟᱨᱦᱚ ᱫᱚᱨᱦᱟ ᱛᱮ ᱟᱯ ᱟᱦ ᱥᱚᱨᱠᱟᱨ ᱦᱮᱡ ᱞᱮᱱ ᱠᱷᱟᱱ ᱚᱱᱟ ᱴᱟᱠᱟ ᱰᱚᱵᱚᱞ ᱦᱩᱭᱩᱜ ᱟᱦ ᱢᱮᱱᱛᱮ ᱯᱨᱚᱛᱤᱥᱨᱚᱛᱤ ᱮᱢ ᱟᱠᱟᱫᱟ ᱠᱮᱡᱨᱤᱣᱟᱞ (KEJRIWAL)᱾
ᱫᱤᱞᱞᱤ ᱨᱮ ᱛᱤᱨᱞᱟᱹ ᱵᱷᱳᱴ ᱨᱮ ᱵᱟᱹᱲᱛᱤ ᱱᱚᱡᱚᱨ
ᱛᱚᱵᱮ ᱢᱤᱫ ᱠᱟᱛᱷᱟ ᱛᱮ ᱞᱟᱹᱭ ᱜᱟᱱᱚ ᱟᱦ ᱫᱤᱞᱞᱤ ᱵᱟᱪᱷᱱᱟᱣ (DELHI ASSEMBLY ELECTION) ᱨᱮ ᱟᱯ ᱵᱤ ᱡᱮᱯᱤ ᱟᱨ ᱠᱚᱝᱜᱨᱮᱥ ᱥᱟᱱᱟᱢ ᱯᱟᱨᱴᱤ ᱜᱮ ᱛᱤᱨᱞᱟᱹ ᱵᱷᱳᱴᱟᱨ ᱪᱮᱛᱟᱱ ᱨᱮ ᱵᱟᱹᱲᱛᱤ ᱱᱚᱡᱚᱨ ᱠᱚ ᱫᱚᱦᱚ ᱟᱠᱟᱫᱟ᱾ ᱚᱱᱟ ᱛᱮ ᱵᱟᱪᱷᱱᱟᱣ ᱞᱟᱦᱟ ᱨᱮ ᱚᱠᱚᱭ ᱫᱚ ᱢᱟᱦᱤᱞᱟ ᱥᱚᱢᱨᱤᱫᱫᱷᱤ, ᱟᱨ ᱚᱠᱚᱭ ᱫᱚ ᱢᱟᱦᱤᱞᱟ ᱥᱚᱱᱢᱟᱱ ᱞᱮᱠᱟᱱ ᱭᱚᱡᱚᱱᱟ ᱞᱮᱠᱟᱱ ᱯᱨᱚᱠᱚᱞᱚ ᱨᱮᱭᱟᱜ ᱠᱟᱛᱷᱟ ᱠᱚ ᱞᱟᱹᱭ ᱮᱫᱟ᱾
ᱵᱟᱰᱟᱭ ᱛᱮᱭᱟᱜ ᱠᱟᱛᱷᱟ, ᱥᱩᱯᱨᱤᱢ ᱠᱚᱨᱰ ᱮ ᱞᱟᱹᱭ ᱟᱠᱟᱫᱟ ᱡᱮ ᱵᱟᱪᱷᱱᱟᱣ ᱞᱟᱦᱟ ᱨᱮ ᱟᱭᱩᱥᱢᱟᱱ ᱵᱷᱟᱨᱚᱛ ᱯᱨᱚᱠᱚᱯᱚ ᱪᱟᱹᱞᱩ ᱞᱟᱹᱜᱤᱛ ᱪᱟᱯ ᱥᱨᱤᱥᱴᱤ ᱵᱟᱝ ᱜᱟᱱᱚ ᱟᱦ ᱟᱯ ᱥᱚᱨᱠᱟᱨ ᱪᱮᱛᱟᱱ ᱨᱮ᱾ ᱚᱱᱟ ᱛᱮ ᱩᱪᱟᱹᱱ ᱠᱟᱹᱢᱤ ᱦᱚᱨᱟ ᱠᱷᱚᱱ ᱜᱮ ᱟᱭᱩᱥᱢᱟᱱ ᱵᱷᱟᱨᱚᱛ ᱯᱨᱚᱠᱚᱞᱯᱚ ᱠᱷᱚᱱ ᱫᱤᱞᱞᱤ ᱨᱮᱱ ᱦᱚᱲ ᱥᱟᱸᱜᱤᱱᱡ ᱨᱮᱭ ᱫᱚᱦᱚ ᱟᱠᱟᱫ ᱠᱚᱣᱟ ᱠᱮᱡᱨᱤᱣᱟᱞ(KEJRIWAL) ᱟᱦ ᱟᱯ᱾
ᱵᱤ ᱡᱮ ᱯᱤ ᱭᱟᱜ ᱢᱮᱱᱩᱯᱷᱮᱥᱴᱚ ᱨᱮ ᱢᱮᱱᱟᱜ ᱟᱠᱟᱫᱟ ᱚᱴᱚᱞ ᱠᱮᱱᱴᱤᱱ ᱛᱟᱞᱟ ᱛᱮ ᱡᱷᱩᱯᱲᱤᱵᱟᱹᱥᱤ ᱠᱚ ᱞᱟᱹᱜᱤᱫ ᱕ ᱴᱟᱠᱟ ᱛᱮ ᱫᱟᱠᱟ ᱨᱮᱭᱟᱜ ᱵᱮᱵᱚᱥᱛᱟ, ᱵᱤᱱᱟᱹ ᱯᱩᱭᱥᱟᱹ ᱛᱮ ᱮᱞᱮᱠᱴᱨᱤᱠ,ᱫᱟᱜ ᱟᱨ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱯᱷᱤᱨᱤ ᱵᱟᱥ ᱯᱚᱨᱤᱥᱮᱵᱟ᱾
